ثقافة
أخر الأخبار

قصيدة شعرية للشاعر اسلام حجازي

بابا غيابه صعب

بابا غيابه صعب

وبكيت بليل ساعات
كل اللي بيسألني عنه
بحكيله واقوله مات
ع الرغم بأنه عايش
وبشوفه ف كل حته
ف عنين اعمامي جايز
وعماتي الخمسه سته
ف عنين اصحابه ممكن
الصعب هيبقي سهل
أبويا دا كان صديقي
كان ليا أصحاب وأهل
وعزوه وكل حاجه
وسندي ف دنيا فانيه
أبويا أكيد هشوفه
وهروحله ف كل ثانيه
لما أنا هشتاق هقوله
هقرأ قرآن عليه
هيجيلي أكيد ف رؤيه
وهبوس بليل ايديه
وهقوله ياريت يسامح
علشان موجوع ف غيبته
أيام البعد صعبه
ويارتني ف يوم ما سبته
بس انا هدعيله أنه
ف الجنه يكون مكانه
وهروح لصحابه بردوا
وهطمنهم عشانه
وهقول للناس بأنه
لساه عايش أكيد
لما هيسألني أسمك
هضحك وهكون سعيد

اترك رد

زر الذهاب إلى الأعلى
error: Content is protected !!