الصراط والرسول
……………………
وأنت يابنى على الصراط
يوم حسابك على اللى فات
يا إما نار يا إما جنة
برحمة ربك مش بحفنة الحسنات
وفى عز خوفك
هتلقيه واقف يشوفك
واقف يدعيلك وكل قومك
واقف خايف عليك
مستنى وصولك
رغم وصوله وان إستفتح
فتحت له أبواب الجنة
بس هَامُه أنا وانته
وعلشان أمته وقف وإستنه
بكثير من الدعوات
عارفه مين؟؟؟؟!!!
اللى فى كل حاجة بنعملها من الحاجات
بنسألوا هى فرض ولا يعنى من السنات
هو ده نبيك محمد (صلى الله عليه وسلم)
أنت عنده أهم حاجة فى الحاجات
هو ده خير البشر
هو ده أخر الرُسل
أهم حاجة يا بنى عنده أُمته
على إيده ربك أكمل ديننا
وأتم علينا نعمته
ونعيم ربك لو جاورته فى جَنته
تشرب من إيده الشريفة
واللى يشرب ويرد حوضة ينسى بعدها ظمئته
من نهر أحلا من الفرات
يارب أجب لى الدعوات
وإجعلنى فى جوار الرسول
ويسر لى الصراط
للجنة أنعم بالوصول
