قالت ر من خلال صفحتها الشخصية على موقع التواصل الاجتماعي فيس بوك: رقم ا فى صح وغلط الاجابه ايه الكتاب بيقول صح والمستر بيقول غلط ايه الحل لو سمحتوا.
منهج الصف الرابع الابتدائي 2022
وواجهت العديد من الردود الغاضبة لانها تشكك الطلاب في منهج الصف الرابع الابتدائي 2022 حيث قال أحمد عمران هو ليه الفزلكة انا مش فاهم الصراحة
ماهو عملية الضرب عملية ابدالية
يعني 2 في 3 تساوي 3 في 2
ليه المدرس يعمل تشتيت في دماغ الطالب
كفايه ان المنهج مشتت دماغ العيال لوحده.
وقال سعيد مصطفى: حسبي الله ونعم الوكيل
والله على ايامنا كانت 2×3هي 3×2 ايه اللي اتغير ما النتائج واحده الطف بنا يارب.
وقالت مروه سعد المعلم صح والكتاب خطأ لأن الرقم المتكرر هو 2اتكرر 3مرات يبقى المقصود من العملية هى تكرار الرقم 2وليس المقصود بها أن الضرب عملية ابدالية ولا لأ قصده عملية تكرار الجمع تكون ضرب وتكون على شكل ضرب الرقم فى عدد تكرار جمعه.
أضاف احمد صابر: صح لان الضرب عملية ابدالية يعني 2*3 هي هي 3*2
وبعدين في تدريب ٥ اكمل محلول كله عكس اللي هو عاوزه حسبهاله صح ليه لما الطريقة غلط ده احنا في اشتغالة رهيبة والله.
وأوضح محمد فؤاد صح طبعا الرقم ٢ تكرر ٣ مرات في الجمع
مش حتفرق لو كتب ٢ × ٣ او ٣ × ٢
حاجة تانية النواتج كلها متساوية = ٦
يعني ٢ + ٢ + ٢ = ٦
٣ × ٢ = ٦
٦
بينما قال مجدي التعلب النتيجه صح و واحد سواء ذي الكتاب او العكس لان الضرب تبادلي ..لكن هنا المعلم بيركز علي صيغه الكتابه يعني الطالب فهمها اذاي ..هل فهمها ان ال 2 اتكررت 3 مرات ولا ال 3 اتكررت مرتين هي دي النقطه لكن النتيجه واحد فالاجابه هتبقي غلط والمعلم صح في النقطه دي.
وأشار محمد رمضان قائلا حضرتك هو ماشي صح لان ٢ هي اللي اتكررت ٣ مرات مش ٣
شوف حضرتك المثال المحلول في تمرين ٥
بس المشكلة انة مطبقش الكلام صح في باقي الامثلة في تمرين ٥ زي المثال الجمع المتكرر
وحب يطبقة في التمرين ٧
وياريت نعلق علي مضمون السؤال وبلاش نتكلم عن المعلم كلنا معرضين للخطأ
الا من رحم ربي.
