أنا والشيطان
أول ما شافني مني أترعب…. أسجد لف شمال ويمين قال أنا من لهب
من لحظتها كرهني ومني غضب
أعلن الحرب عليا من غير سبب
أنا وهوه كر وفر قصة ليها العجب
تروح فين يابن أدم كل شيء عليك أنكتب
تغلط عايز تهرب مافي مني هرب
البحر خلفك عدوك شيطانك ونفسك مالهم عليك طلب
تعالي عندى أسجد راح أغفرلك وأرجع اللي منك أتسلب
عمرك بأوراق الشجر أحصد كل ورقة تقع عليها أنكتب
أنا أيه فسر…… عبد لا حول ولا قوة بغرف من بحر ف النهر سكب
لا البحر بيخلص ولا النهر بيكفي……. عندك وكفاية صبب
ايام معدودة بتحصد …..خد دورك وراه نهارك غرب
ذكرى كلمة ليها معني مين يفتكرلك دمعة أو ضحكة طرب
ياعم فوق الشيطان واقف علي شط الولعة بينادى عليك برجلك دبب
ونفسك بتزقك عشان في النار تصب صبب
مظلوم مابين اتنين وعليك الطحن والكل فيك ضرب
رجوعك لله سهل بس انت قول يارب يصلح الحال من غير سبب
راضي السقا
