٠٠٠٠٠٠انا وصورتك……..
وطول الليل مع صورتك
بنتساير سوا سيرتك
وايه اجمل ما في عنيكي
او اللهفه اللي في حيرتك
٠٠٠٠٠
سهران بحكي مع التفاصيل
واشوفك زي مهر أصيل
واعاين فيكي واتأمل
كأني بدوء غنا و مواويل
٠٠٠٠٠
لقيت فجأه الصوره بتحكي
وبتقولي وانا ببكي
انا هفضل معاك على طول
ولا اشوفك في يوم تشكي
٠٠٠٠٠
كلامي معاها وسط سكون
لا انا عاقل ولا مجنون
لكن بالنظره في الصوره
بتدي حياتي طعم ولون
٠٠٠٠٠
حبيبتي الصوره كانت ساكته
وعقلي يقول يدوب لقطه
لكن قلبي رفض عقلي
وراح يسمع لكام جمله
٠٠٠٠٠
قلتلو كتير عن الاشواق
وإن البعد كان حراق
بيحرق كل شيئ فينا
ينجينا لقا العشاق
٠٠٠٠٠٠
سهرت كتير عشان القلب
بيحكيلي كلام الحب
وكل ما سمعو م الصوره
ونعمل ايه عشان القرب
٠٠٠٠٠٠٠
حكينا كتير انا وهيه
قالتلي بصوره علنيه
عن العشق اللي جواكي
وكام لهفه كمان ليه
٠٠٠٠٠
وبعد حكاوي ومد وجزر
سمعت اذان بصوت الفجر
ف قمت ركعت للمولى
عشان ادعي ليكي ف السر
_____محمدهيما______
القاهره / مصر
