الأساوة
……
كل ده فاتح لى فيسك
ربى يهدى
أتفضل برجلك اليمين
وقولها يا يمينى مدى
ألف بوست أو يزيد
لو يوم تعِدى
بس نقى
اعجاب أو كومنت كفاية صدى
أو حتى عَدى
بوست بدون إهتمامك
يموت يصدى
فهمت قصدى
ربى يهدى
كل ده فاتح وساكت كنت غيب
فاتح وعامل مش شايفنى والله عيب
كنت فاكرك لسة حي
كنت فاكر كل غيبتك يوم وجاى
كنت فاكر إنى لك صديق وخَي
للأسف وجدتك مُت ولا كنت حى
……. ……
جايب الأساوة دي منين
من عند بياع الأساوة
اهديتك أحلى سنين
ونقيتك احسن نقاوة
وإن بانت حقيقتك طين
فالبعد عنك مش غباوة
مين اللي قال إن الجمال
شكل وحلاوة
ربيتك على أيدي اليمين
وبالشمال علمتك شقاوة
جايب الأساوة دي منين
من عند بياع الأساوة
…………… ..
هشام الفقى
