_____ايوه بغير_____
ايوه بغير وبشت كمان
عقلي بيقلب كله جنان
لما تقولي فلان و فلان
وجايا تقولي كمان زعلان
٠٠٠٠٠٠
ايوه بغير و بولع نار
وانتي بتعملي فيها هزار
عيزا تشوفي قلبي بينهار
بس الطعم ف حلقي مرار
…..
ايوه بغير يا حبيبتي و اولع
لما حبيبي ف يوم يدلع
ببقا واقف في هدوقي بخلع
ومفيش صبر ف عقلي اطلع
٠٠٠٠٠
ايوه بغير علشان حبيتك
علشان قلبي أصبح بيتك
وانتي بدلعك يخرب بيتك
هتهديني بعد اما بنيتك
٠٠٠٠٠٠٠
غيرتي عليكي يا روحي إخلاص
مش تقفيل ف الراس وخلاص
انا واحد دم واحساس
اصل انا راجل مش بلاص
٠٠٠٠٠
عندي يا روحي الغيره دي قيمه
اوعي تقولي دي عاده قديمه
محناش زي بتوع السيمه
ولسا معايا الفطره سليمه
٠٠٠٠٠٠٠
ايوه حبيبتي بغير واتجن
والشياطين ف وداني تزن
لما الضحكه لغيري ترن
هبقا نزيل بعدها ف السجن
٠٠٠٠٠٠
لو تعرفي يا حبيبتي الغيره
وبتزعلي ليه م التكشيره
مانتي رميتي العقل ف حيره
اصل الغيره ملهاش تسعيره
______محمدهيما______
