عبد العظيم رضا قصيدة “كانسر”
….
كان ليه يعم الكانسر تجيها؟
بعد ما حنت واشتاقت لماضيها؟
كان ليه بس يعم تزورها؟
ده حتي يأخي انا فرحان بحكاويها
جيتها ليه واشمعنا دلوقتي؟
اديها ممكن تروح مني
ومعرفش فين اراضيها
وبعدين اراضيها إزاي وانت حالف تبكيها
إسمع………..إسمع
أديها بتشتكيلي منك عشان أواسيها
بس يا سيدي خلاص
هي اختارت تبعد براضاها
اديك انتا اللي معاها وانا اللي
سرحان وبفكر فيها
بس متقلقش !
انا عودتها علي الالتزام
هتاخد جرعات العلاج
في الزمان والمكان
واقولك كمان هي منك اققوي
وبربها دايماً بتستقوه
لو حسيتها زعلت في يوم
بالله عليك طبطب عليها
وواسيها منا خلاص مش جنبيها
واحكيلها حدوته قبل النوم
وملوش لزوم شعرها يقع
وتبان ضعيفه ومهزومه
وإوعي في يوم توجها
او تكون قاسي عليها
وطلب اخير يعم الكانسر
رجاءاً….رجاءاً
خليك أحن مني عليها
خليك أحن مني عليها
#عبدالعظيم_رضا
