قصيدة”لسه”
…..
…..
قلبك غاوي يعاقبك
غاوي يعافر كده في حكايه خلصت
والاشواق عماله بتندهلك
وجواك حاجات ليها عمرها ما نقصت
والذكريات بتقتل فيك
وحالك لسه غريب
ورسايلك السابقه بتناديك
والبعيد عنك قريب
وكلمه بحبك طافحه عليك
وبعد البعاد فاضل ليها وحشتيني
والفراق علي عينك واضح
وفي الليل بتوحشيني
لسه فاكر ارتباكك اول مقابله
لسه اغانيك حزينه
لسه لفكره الرحيل مش قابله
لسه افكارك جريئه
لسه الحدوته برغم طولها
نهايتها مش معلومه
ولسه لحد الان مش متاكد
ان النهايه فيها زغروطه
لسه جواك شك انها هتبقي ملتوته
لسه بيقولوا عليك فاشل
لسه ميعرفوش ان جواك حرب
وانت فيها لحد الان اكبر ناجح
لسه شويه علي فك الكرب
لسه اللي انتا شاريه بايع
ولا اتاكد انك كنت بين ايده شئ نادر وجوده
وانه حقيقي خسرك
لسه بتواجه العالم وحدك
لسه فرحان معاهم
وحزنك سايبه في الليل لحالك
وتفكيرك اللي بيقتل فيك بالبطئ
زي ما هو ولا اصبح مترو
لسه حالك متلغبط كده وتايه
لسه حابس حالك جوه حالك
ورافض حالك يقول اي كلمه غير عادي
لسه محدش فيهم ابقالك
حالك من فتره مش حالك
مكنت زمان حلو كده وبتضحك
والدنيا كانت وردي
والرسمه كانت حلوه صدقني
ايه بس حصل خلا الرسمه
تحزن وتبكي وتداري وتهرب بعيونك
وتسرح بخيالك
وتنام علي وجع وتصحي علي ذكريات
وتضايق من اتفه شئ
ايه بس خلا كل الاشياء تافهه قدامك
اللي فاتك صدقني فاتك
واللي كان ماشي من حياتك
كان ماشي اصلا بس كان مستني الفرصه.
#عبدالعظيم_رضا
