قصيده بعنوان
(مش حقيقي؟؟؟!”)
ومتصدقيش
إن قلبي يميل
لغيرك متصدقيش
إن جم وقالوا
إن أني
بتاع حريم
وإنسان فلاتي
يبقى مش محتاج
أعيش
إل مش متعود
على الخيانة
وإل إتربى صح
إزاي يخون حبيبته
إل عاشت
معاه فقره
وإل داقت
معاه صبره
وإل نامت على
الحصير وإفترشت
الأرض خيش
يبقى متصدقيش
إن جم وقالوا
إن أني إنسان
سكرجي
وقعدتي
مع الصحاب
جوا القهاوي
عواطلي شربنا
جوزه وحشيش
يبقى متصدقيش
الحب مش
محتاج كلام
الحب فعل
مش لف ودوران
أو ضحكه وسلام
الحب حاجه
مابتوصف في
مليون بيت
في قصيده
تكوني إنتي
عنوانها والختام
الحب معجون
جوا القلب
بإحترام
مش حقيقي
إن جم وقالوا
إني ضايع
وإني صايع
أو لكل واحده
شفتها وشفتني
كلمتها وكلمتني
يبقى قلبي ليها
شايع
لا مش حقيقي
لأن قلبي
مش سوبر ماركت
وفيه
عامل قلبي
عرض للتشتري
وإل رايحه
وإل وجايه
ترميه وقت
ماتزهق وبايع
أنا قلبي
مش محتاج
فروض
ومش للعروض
أنا صحيح
فقير بس
بأعلنها وأقول ليك
لو زهزهت لي
الدنيا في
يوم بارضوا
إنتي من غيرك
ماليش يبقى
أحسن ليك ولي
مش حقيقي
ومتصدقيش
إن جم
وقالوا ليك
إن أني أتغيرت
فجأه ومش أنا
ركبت وجهه تاني
وإنسان غيري
متصدقيش
إل داق الغربة
ومرارها
وإل شاف في
الدنيا شر وخيرها
وإل دعت له
في يوم وعاشت
معاه يبقى
المفروض لازم
يصونها ويحترمها
ويحترم عهد قطعه
على نفسه بينه
وبينها يبقى
مش حقيقي
ومتصدقيش
مين قال إن
إنتي مش جميله
مين قال
إن ليك في
يوم بديله
حتى لو عملت
مليون وسيله
وألف حيله
إل يقدر
يستغنى عن
عمره وحياته
يبقى ساعتها
القطر فاته
يبقى مش حقيقي
لو جم وقالوا
قلبي يميل لغيرك
متصدقيش
(الشاعر.خيرى حسنى..)
