مفيش رد ما فيش إجابة قصيده للشاعر عبد العظيم رضا

قصيدة”مفيش رد مفيش إجابه”
للشاعر عبدالعظيم رضا
من ديوان”ما فيش بينا اسف”
…….
مفيش رد..مفيش إجابه
المشاهد مِتعاده اليوم نفس اليوم
دون تجديد او إفاده
قرار إباده بدون تهديد صامت بالتدريج
المفيد…”كل الخلق عاوز تجديد قلوب”
ساعتها هتختفى التجاعيد
وهيبقي في طعم للعيد
وهتختفي الجريمه
ومش هيبقي في فرق بين الغني واليتيمه
ولا هناكل حق المسكينه
..
اما الخلق دلوقتي
مطعون في القلب بالسكين
وماشي تايه…خايف يأمن
كل البشر قدامه خاين
مهو مسكين مطعون في القلب بالسكين
طير جريح وحيد عظيم
عمره ما قال اللي فيه لحد
“يا بصاصين في حياتنا حياتكوا في ناس غيرها باصين فيها”
..
مفيش رد..مفيش إجابه
الوضع يدعو للتجديد
وكل الخلق عاوز تجديد
ولابد يفوق ويفهم ان لو مهما ضاقت ربك فوق
ويا شارب الحب فوق ربك رب قلوب
مشي حياتك ابيض واسود وإمشيها بالمقلوب
إعمل كل شئ ومتبقاش علي شئ مدلوق
للحب…مراحل
إحذر مرحلة الجنون
كل شئ بيجي في ميعاده وربك عليه القبول
والإدمان..اسوار
إحذر سور الغايبين
والإدمان سكه حرام وأخرتها الندامه
وفي التقني دايماً السلامه
وربك مبيفرقش مابين طربوش وعِمه وبياده
..
مفيش رد ..مفيش إجابه
الوضع عاوز تجديد
من الالف لحد القلب الحديد
المحب..
المحب قلبه صحرا
يا تزرعها وترويها وترعاها يا متقربلهاش
وإحذر يا تارك ايدك
لوعد المحبه مترعاش
متخبطهاش في قلبها بلاش متخبطهاش
وكون حريص واياك متصونهاش
ولو راحل…
ملهوش لزوم تعشمها فيك
هتشيل ذنب بكاها باليل وده ذنب عظيم
يا امة المسلمين
القلوب لو صابها الحب تصبح مجانين
بحبك يا سينا يا طاهره يا فَلسطين
يا بصاصين في حياتنا
مالكوا ليه تعابين
سِكنت ليه في قلوبكوا الشياطين
حالكوا بقا يشبه الجاهلين
مفيش رد…مفيش إجابه
ضاقت بيك وهددت فيك
واتشقلب الحال بيك
وانت اللي فيك فيك
كاتم جواك صامت حزين
يا تعيش ليها وتكون لها الامان
يا سيبها لغيرك يحميها
مهو مش كل ورده هتعجبك
هتمشي تقطف فيها
وغيرك يرعاها اصل راعيها
في غيرك بيرعاله
دنيا وابن آدم فاكر انها دايماله
مفيش رد…مفيش إجابه
لوحدك في الضلمه وحيد ومحدش ابقالك
ولا حتي حد علي نار الشوق غنالك
هيهتفوا بيك وهيرفعوك لفوق
لو لفراق اي حد في حياتك مش خايف
اي حد شافه عمره ما قال عليه هايف
ولمد الناس بالطاقه ..مترو بدون طاقه
نصهم في حياته سيلڤي
والنص التاني دخان سيجاره
ابتسامه بإبتسامه مفيش رد..مفيش إجابه
المشاهد متعاده وفي النهايات شات مقفول
وكلام مكتوب …وذكريات بالكوم
وبرضو
مفيش رد …مفيش إجابه
#عبدالعظيم_رضا