……….رساله الى قبر …….
ويا صحبي يا ريتك كنت معايا شويه كمان
ويا ريتني شبعت من الضحكه لما بقولك حاجه جنان
دا انا بكتشف الان انك انسان
وبحاول اصبر نفسي بالنسيان
وبقول اهو سابنا وراح على احلى مكان
اصبح دلوقتي في خانة كان يا ما كان
أصبح ذكرى
بعد ماكان
ويانا امبارح مالي كيان
نفس الصوت انا سامعه بيندهلي
وانا بضحك راجع علي مهلي
اصلك كنت بتصبر على غلطي
وكأنك من اهلي
وبقول للدنيا بعد رحيلك تستاهلي
اصل الدنيا متستحملش الطيبه اللي ف قلبك
فاكر لما كنت بقولك
اني هروح وهسيبك قبلك
وانتا تقولي يا عالم يمكن اسابقك
وكأنك عارف انك وقتها بتودعني
طب ليه بتسبنا وليه توجعني
عارف لو ساعه في يوم ترجعلي
راح اقولك على كل حصلي
راح اقولك خد اسرارك دي تقيله
وإن الشغل طلع من بعدك تغفيله
ولسا الناس عالقهوة بتسأل عنك
وانا لسا بخش القسم و بندهلك
وتجيني وتضحك على مهلك
وتجيني تقولي سمعت خلاص
وتهزر وتقولي خلاص
ما انا روحت خلاص
…….محمدهيما…….
