رسالة بالشفرة
كل العالم مش راح يفهم رسالتي عشان بالشفرة
المقصود وعلية العين هوه اللي عارف في دماغي الفكر ة
ببعتلوا كلامي واقولوا أصبر يمكن تفرج بكرة
مشينا كثير وهانت كلها كام خطوة
مكتوب نتقابل مفيش فصال راح نتقابل مهما كانت فيه ناس رافضة
عارف بتعبك وعزلانك لوحدك ركنت علي جنب وكلك حسرة
الغدر ضرورى نقابلوا عشان نعرف قيمة الناس الصالحة
غدروا وباعوا طلعوا ناس ف الأصل قلة
الغريب غريب بين أهلة وبلدة ف عز الفرحة
ياما ناس عاشت ف الدنيا وراحت ف لحظة
كلوا مكتوب ناس تحب وتكرة وناس ع الغدر قادرة
لا الظالم عارف أن ظالم ولا المكروه عارف بغضة
الكل فاكر أن صح والباقي غلط وكل منا له وقتة
صدقني ياللي بعتلك الرسالة عارف انك فاهمها حتة حتة
لكن حبيت أطمنك أنا زي ما أنا حتي بعد الممات روحك ليا ضلة
الوعد علي جدران الزمان مكتوب لا خصام لا فراق حتي ولو ف علة
الزعل بينا مرفوع وأيه يمنعنا عن بعض غير قسوة قلوب علينا غلة
بحبك وهافضل احبك وأسال عني قلبك يقولك بالشفرة
راضي السقا
