دفاعا عن الدباديب
………………
اتخيل نفسك من فضلك
توب احمر ساده و معيوب
اتسلم في رساله لمصنع
بيصمم بدلة دبدوب
هيرطرط في السوق من بكره
علشان ينباع للحبيبه
ام حظه الاسود لمؤاخذه
أو يمكن من بخته الخيبه
إتباع لاتنين يومها إختلفوا
ام حلفوا لايمكن يحتفلوا
فـ ماشفش أحضان بينهم
ولا بوس
ولا شاف تعشيقة صوابعهم
علي شكل تروس
و اتهري مرمطه و زعيق مع دوس
علي الارض لغاية ما إنفصلوا
كان عشمة شويه حنيه
طبطبه علي كتفه وحضن رباط
تنهيده ونظره رومانسيه
يمكن تتنسي غرز الخياط
أو كلمه بشوق صدقها واضح
أو نظرة عين معناها فاضح
بتساوي الحاضر بامبارح
و التوب الحلو
بـ أبو فتله شياط
ايه رأيك لو كنت مكانه
من غير تقدير عاملوا جنابك
طب نابك ايه لو يتلاموا
الافضل ليك هو غيابك
بطل دبدبه وماتتخضش
والاحمر نادي بتجريمه
وان نادوا وسامع ماتردش
وافقل م اللحظه عليك بابك
بقلم / عادل عوف
