رتوش
__________________
الصوره لسا فيها رتوش
والناس شفوها ومعرفوش
آصل الرسمه ملعبكه
فيها حاجات متشبكه
فيها وطن ما بين صراع
وفيها اللي باع
فيها اللي ملكه طول دراع
واللي ما حيلتو طول صباع
واللي فلوسه متلتله
واللي البلد ف دراعه زي الاسوره
فيها الغلابه الطيبين
واللي وكيلها غموس بطين
فيها ابن البلد
واللي اتولد
ميعرف حتى ابن مين
متيجو نرسم رسمه تاني
للي شيفها رقس واغاني
والفقر عنده ملوش معاني
هنحط ف الرسمه الجميله
فلل وقصور كتيره
وجناين خضره معطره
شوارعها نظيفه منوره
متسفلته برخام جرانين
مفيهاش مطب ولا تفحيت
اصل اللي هيمشي فيها مين
اوعا تقول الحفيانين
والشقيانين
دول كانو ف الرسمه القديمه
دول كانو في الصورة العتيمه
اللي خلاص اتقطعت
مع الجديد حتى اتنست
بقلم / محمدهيما
