ليه أتغير
أنا زي ما انا وايه يغيرني كل مافيها بس الزمن شيبني
اخد السواد مني وإداني الأبيض نورني لكن من جوه لسه بغني
بغني للحبيب وللفرح والحزن كمان بغني لكل معني عليه بغني
الحبيب حبيب ماليش ف البعد ولا أهجر أو يهجرني
الفرح معاه في ليل هنايا يسعدني في لمسة حنان يخدني
اروح معاه عن هموم الدنيا يبعدني أنسي روحي وأهلي واللي مني
وأعمل أيه ما أنا عاشق وعشقي جنون صابني
مهما كنت بعيد ياحب عني مكتوب عليك تعشقني
هاتروح فين وتهرب لمين هاتلف العالم وترجع تسكن حضني
العشق والغرام العذب مش بأيدك ولا بأيدي صدقتي
لازم نرحع نغني ع الفرح والحزن ضروري نغني
نغني والناس تسمع صوتنا قبل ما يصيبك المرض ويصيبني
وأن راحت سنين العمر كلوا برضوا راح نتقابل أوعدني
نتقابل في زمان غير الزمان والمكان متغير حتي الناس والجني
ضروري نتقابل نحكي ونقول علي عشق الزمان وبرضوا ياحبيبي نغني
بقلم / راضي السقا
