تفلق نفسك م العايط
أو تضحك لما تدمع
ريحة قلبك لو شايط
بتقول قلبك بتدلع
رف المجهول في الضلمة
مليان لسه مفاجآت
العمق في نظره و كلمه
ردموه وتنيل مات
وتداول عام للسطحي
علي كل المستويات
و النظره الأعمق
كيفها
إنك ولبُدْ تضيفها
علي خصرها لما تشوفها
بتوطي تلم حاجات
بقي في أهداف نفهمها
من غير سنة توضيح
وحاجات كل ما تفهمها
بيبان مضمونها قبيح
وده عكس الظاهر اصلا
من غير فذلكه و حداقه
تتجر لعركة في لحظه
مع ناس فعلا مشتاقه
لحوار وياك فتلاحقك
علشان تتملي ملامحك
وفي آخر العاركه تسامحك
من غير ما تقولك حاجه
بقلم ✍️ عادل عوف
