هتقرب منك وتشدك
و دى لعبة حوا الأزلية
وتهز فروعك وتهدك
وهتخرج منها بعملية
تستأصل قلبك من جدره
وتشوف خيالات تجرى / ويجروا
تتحول أيامك (نجروااا)
والشكوه تكون منها هى
ودموعها تغرق فستانها
وعينيها تغمض سهتانه
وسنانها تخبط في سنانها
قال يعنى حزينه وبردانه
وأتريها مراهنه علي شنابك
والجائزه إزازة كوكاكولا
مش اخر مقلب لفؤادك
لو كانت تجربته الأولى
تقريبا يعنى هتتعود
يتساب من غير اى مناسبه
وليلاتي هيبكى و يتلود
والأبيض يطلع من الحسبة
والإسود يحتل مكانه
والقلب يغير سكانه
ماهو كل الناس اللي إتخانوا
بيلموا نصيبهم والقسمة
بقلم #عادل_عوف
#شارع_الحب
