عازف الكمان علي تايتانيك
……
كن كعازف للكمان 🎻 على تايتانيك
وسط المحن
طلع لسانك للهلع
ماتسيبش روحك تتخدع
ماتيسبش قلبك يتخلع و يجبرك شئ على البكا
اللى إشتكى
ضيع ساعات الهشتكا
وسنين كتير فى الإكتئاب
وإيه فايدته
ولكل واحد سكته
و نصيبه في كفوف قسمته
حسب الكتاب
ماتبعش روحك للظنون
خليك كما شجر الزتون
خليك كما نصوص القانون
لها فى النفوس مليون حساب
واللي يـفكر في الغياب
ساعده و وفر له السبب
صوم عنه حالا و إبعده
ما الصوم يجوز برده فى رجب
ماتخفش ابدا م الغرق
ما العمر ماخلوق يتسرق
وان قومت تحسب اد إيه م العمر فات
ممكن تخاف او تترعب
بقلم ✍️ #عادل__عوف
