…….على الهامش …….
وفجأه لقيتني انا عايش
على الهامش
ومش مظبوط
كانى بموت
وكل خيال
ورد عالبال
صبح فى سكوت
وأصبح بس لغه الحال
بدون الصوت
ودا احسن ما نتكلم
فنتعلم
فى بعض نخوض
ونبقا فى بعض بنتجرح…
كدا اريح
ياريت لو بس هنسلم
من بعيد لبعيد
بدون حتى سلام الايد
بدل ورا بعض ما نفتش
ونتنتش…
على الغلطات
تعالا نعيدها من الاول
ونتخيل
كأن الماضى دا محصلش
وكل كلامنا دا متقلش
ويوم انا لما فيه جيتلك
كأني ماجيتش
بقلم ✍️..محمد إبراهيم درويش…..
