وفي حب حبيبي مفيش ضمانات
ماهو ردة فعله لنفس شئ
فيها مفاجئات
بيحب حاجات و بيكرها
وحاجات يهملها و كررها
وحاجات يكسبها و يخسرها
و يعند لساعات
وألقاه
أوقات حد رومانسي
والناس والعالم في جودي
ملغى ومانسي
وساعات بيكون جد
و رسمي
و يقول شعارات
وساعات يتعصب علي حاجه ما بـ تعصبش
ويفوت حاجة كانت حصلت يومها إتضايق
وساعات يتجلي و سمعني في العشق كلام
مع أنه ومن لحظه يادوب
قال مش رايق
عندي محاولات
اني استوعب وافهم منه
إزاي بيتحكم في سكوته و بيتلامض
لكن للحق انا مفهمتش وده إكمنه
واضح في مشاعره إنما دائما
في وضوح غامض
بقلم ✍️ عادل عوف
