الناس ما بقيتش واعيه
لخطورة اللي جاى
ضرورة تبقي وحدك
انت و مج الشاى
لأن اللي مابينكم
عشق وغرام وراحه
مجرد شفطة منه
بتفضفض وبصراحه
والشاي من كرمه صامت
و بسمع بإهتمام
وساعات يمتد طعمه
و يطرطق لك مسامعه
لو محتاج للكلام
الشاى لو حتي ساده
من غير سكر يا ساده
عمرة ما خان صحابه
ولا مشاك في الحرام
عن نفسي بحبه غامق
في مج من إزاز
وكل لحظه ابوسه
واخد حضين مجاز
الشاى تقديره عندي
ويا الناس العُزاز
بقلم ✍️ عادل عوف
