طعم الليالي
ليالي نعيشها ونتمناها تطول وليالي تعدي علينا ما نتمناها تعود
كل ليلة بطعمها وعلي وعدها توفي بالعهود
ليلة فرح وهنا وليلة بالحزن والهم تعود
وكل منا يغني علي ليلتة وحكايتة ع العود
اللي فارق أحبابه وهجر وعدي الحدود
واللي لم الشمل في ليلة فرح متهني ومسعود
واللي حب وعشق غدر وباع الوعود
واللي سافر وهاجر عشان يرجع بالخير لأهله يعود
واللي عايش يبكي حالوا عشان حبيب مفقود
واللي الديون فوق رأسه ودخلة محدود
واللي تعبان بيتمني يكون العمر ممدود
الكل بيغني علي ليلتة واللي راح مابيعود
هيا الحياه كدا تشغل شاغلها ومنها مطرود
تأخد ناس وتجيب ناس ميت ومولود
وأيه نعمل مفيش غير حاضر تلين الجمود
ومهما تبكي أو تعاتب هوه ده الحال وخلي الامل ممدود
بقلم / راضي السقا
