“جواك”للكاتب والشاعر عبد العظيم رضا
من ديوان” مافيش بينا اسف”
…
جواك نزيف
وفي كلامك شئ من الانتقام
بقيت حد مخيف
وزهقوا فيك الاطبه كلام
…
جواك حاجات مكبوته
متلخبط تايه من زمان
كسرك باين في الصوره
وفي حُضنها لقيت الامان
…..
جواك حرب
الحزن باين في عنيك
بكره ربك هيفك الكرب
بس بص بصه حواليك
….
جواك شئ مختلف
والظاهر غير
وشك ماليه التجاعيد
فتره وهتعدي وهتقول خير
…
جواك مسامح
ومن براك لا
بقيت عاصي
وكل حاجه لا لا
..
جواك مهجور
مربوط بخيط
ليك بتلجأ الطيور
..
جواك تجديد
لذكرياتك بتعمل جرد
قلبك لين لكنه حديد
حيلك اتهد
..
جواك لسه النزيف
وكلامك بقا كله انتقام
بقيت حد مخيف
وخلصوا فيك الأطبه كلام
#عبدالعظيم_رضا
