لما تشوف الوش الطيب
اياك تنسي الوش التاني
وإن ضمانة الحل قريب
لو كان صاحبه سنين بيعاني
يعني ضروري يشوف له ضروره
يخرج منها بأفضل سعر
و يبقي الواقع ركن في صورة
من بيت كله مجاز في الشعر
وإن كان يعني مافيش غير هذا
للأحداث سلم بهدوء
و إدي لكل وشوشكوا أجازه
حتي الوش المتعان فوق
وعلشان تضمن نفس الجودة
جرب تلبس وش بشوش
اصل الضحك مجرد عدوة
وانت الضحك مابتشفهوش
وبقي استثني وصفي النيه
ما انا مش ليه انكش منكاش
وإن كان يعني الزاد حنيه
صعب عليه تقول ما لكاش
وانا بالصبر مجرد وش
راضي ودايما اقول معليش
حلو الدنيا بيجي تباعا
بعد ما تستكفي من المش
#أزمة_وهتعدى
