قصيدة بعنوان هيفكرها بيا

هـ يفكرها بيا
و هـ يضغط عليها
ومش بعيد يجيبها
لعندي و يشتكيها
قلبها واللي فيه
أنا ليا حقوق عليه
والشوق اللي مداريه
هـ يفكرها بيا
و هـ يضغط عليها

مفيش انسان بينسي الماضي في يوم وليله
وان قلبِك قال نسيته بـ تبقي بجد حيله
و بتبقي مسكنات
علشان لو نسيني
ده معناه أنه مات
وقلبها قلبي عارفه
هـ يفكرها بيا
و هـ يضغط عليها

أنا سايب
ذكرياتي
معاكي ما أخدتهاش
والحلو اللى في حياتي
بيكى ما يتنساش
حتي أوقات خصامنا
فيها عمرنا ما تخاصمنا
بيعدي في لحظه بينا
و بيه ماحسناش

قلبها قلبي عارفه
هـ يفكرها بيا
و هـ يضغط عليها

بقلم ✍️ عادل عوف