خرج نفسك قوم فسحها
وهات لها شبسي وحمص شام
واحكي معاها وقوم فراحها
وقولها ديما احلى كلام
هتلاقي رد الفعل سريع
لما تشوف منك تشجيع
وإن جناينك بكره ربيع
و إنك راضي وكله تمام
خرج نفسك ليه تحبسها
ليه مخوفها تخالط حد
إضحك لها طب ليه محسسها
أن الدنيا دي جد في جد
زي الجد في برده هزار
ناس علي التكة وناس اشرار
وناس بتعوم عكس التيار
دول حريفة و ند لند
خرج نفسك و معاك هما
ناس بتحب وجودك بينها
هتلاقي نفسك حَبر الأمة
و روحك طائره ومش لقينها
ولما تشوفها تقول مش هيا
ديا بشوشه ومش عصبيه
لاء و بتمشي كمان علي المايه
و بتقول علنا يا انا يا هما
خرج نفسك
و إجراء ” ثم ”
بقلم ✍️ عادل عوف
