……..اتعلمت …….
انت اكيد بتغير فيا
وبتوهبنى نداله الكون
ما انا مش هقبل ابقا ضحيا
وأفضل شاكر مهما يكون
انا دلوقتي كسبت مهارتك
واتعلمت ابطل اصون
ما انا مش هفضل رهن اشارتك
وابقا قصاد الحركه سكون
انا سيبك ياحبيبي براحتك
لما تشوف من العقل جنون
اوعا تلوم غير بس جرائتك
واستسهال ان انا مفتون
لا ياحبيبي انا ثقتى هتخلص
وكل يقينى قلب لى ظنون
يوم ورا يوم الحب هينقص
والأحزان فى البعد تهون
احسن ما ابقا معاك متلخبط
سايب قلبي معاك مرهون
همسح كل كلام اتظبط
ما انت لا يمكن يوم هتصون
واجى على كلمه حب واشخبط
وانسي غرامك مهما تكون
بقلم ✍️….محمد إبراهيم درويش….
