طلع النهار
وجالى صباح
من أجمل وأغلى عيون
كما صباح الشمس
على كل البشر والكون
جالى الصباح يا حبيبى
وأنا قلبى م المسا مفتون
بأحلم معاك بأيام
كالمنتزه أو الصعيد
صباح الدنيا علشانك
يغنى نشيد
وموج البحر بيلاعبك فى شط النيل
وسحر عنيك يصحينى برمش جميل
ونور الصبح على وجهك
يزيل من قلبى ظلمة ليل
وعطر الزهر فى جناينك
وخير الدنيا يكون جايلك
وفرحة عمرى وأنا جنبك
ونسمة صبح بكل جميل
صباح الفل دنياتى
ويحلَى العمر فى الآتى
وشمس الدودى والبوسى لعمرى تنير
صباح الخير يا أحبابى صباح الخير
……………………………………
بقلم / هشام الفقى
