قصيده بعنوان
(لما أجي؟؟؟؟؟)
لما أجي
وأكون معاك
قول لي
حمد الله
على سلامتك
وإصحى تفكرني
بزمان
وإصحى
تقولي على إل
فات وإل كان
وكان وكان.
بلاش تفكرني
بالوجع وإل
سابني وأنا
بأتوجع وإل عان
أو راح ماعان
وإل هنت عليه
وفاتني وأحمد
ربي وأشكره
إنه ماخدش بإيدي
بالسلامه زي
ما أنا هنت عليه
هو بارضو علي
هان………..
لما أجي
وأكون معاك
وأترمي في حضنك
وأبوح ليك عن
أسرار كانت في
قلبي خدني على
كد عقلي وإتحملني
وإضحك علي أو
جاملني أو نافقني
أوعى تقول راحت
عليك ما إنت خلاص
عمرك ولى وعدى
وزمانك مش زمانك
ولا سنك مش
هو سنك
عجزت وشخت
تغني مواويل
آه يا ليل
وآه ياعين
وتعزف لي
بالكمان
لما أجي وأكون
معاك ريحني
بحبة كلام
عامل إيه أخبارك
إيه وحشني
يعني من قبيل
هذا الكلام
إصحى تقدم لي
عريضه فيها
ماضي وفيها
إحنا وفيها كنا
فلان جانا وفلان
مجاش خد بإيدنا
أو مخدش
أو تقرير أوبيان
أنا باقول
لك بصراحه
أنا جاي ومستوي
من الضعيف
ومن القوي
من هموم
على راسي
كوم ضهري
مكسور وملتوي
يعني زي ما قالوا
خلصان بشياكه
من نسور
ومن حيتان.
ناس سدوا علي
بابهم وناس
قفلو كتير بيبان
وناس بانت
وشوشهم وناس
عمرهم ما علي
بان…….
وناس مضغوني
بأفواههم أكتر
من مضغ اللبان
لما أجي
وأكون معاك
مش ضروري
تقول لي
على إل صان
وعلى إل
على عيش
ملحي وخان
إدعي إن ربنا
ييسر أموري
ويذلل صعب
الطريق ويكفيني
شر المهالك
وأجي ليكم
قبل الآوان
لما أجي
(ترنيمات وخواطر.بقلم)
(الشاعر.خيرى حسنى…)
