حركة تنقلات في شركة فودافون مصر وحالة توتر يومية في القطاعات بعد واقعة ضرب عميل ينتظرها المواطنين بعد الشكاوى الكثيرة التي يوجهها الأشخاص يومياً للشركة.
تنقلات في شركة فودافون مصر
نشر مصطفى فتحي عبد الفضيل “كاتب صحفي”، على صفحته الشخصية على موقع التواصل الإجتماعي “فيس بوك” يقول: من مصدر موثوق: حالة توتر غير مسبوقة بتحصل داخل شركة فودافون مصر، اتصالات مهمة يومية من جهات عدة، إجتماعات قيادات من الشركة المصرية مع الشركة العالمية.. حركة تنقلات.. قرارات بتصدر كل يوم.
وأضاف: الملخص: موقف الطبيب اللي اتهان في واحد من فروع فودافون وارد يغير حاجات كتير في ملف خدمة العملاء في مصر، ووارد يفهم الشركات (العملاقة) إن المليارات اللي بتنفق على نجوم الإعلانات التجارية غير كافية وإن الاستثمار في العنصر البشري العامل في الشركات مهم جدًا.
واختتم: “تحية للبطل الحقيقي في الواقعة دي، المواطن اللي صور اللي حصل بكاميرا تليفونه.. واللي أثبت إن المواطن لما يقرر يستفيد بشكل حقيقي من تكنولوجيا موجودة 24 ساعة في إيده، فدي حاجة عظيمة.
على الهامش: تحية لكل مصور قدر بفيديو قصير يقلب الدنيا”.
