وصايا سجين فلسطيني
أجبلك إيه ياضنايا
ليك وانا جايه معايا
هاتيلي غطا وحبة دفا
هاتيلى من سريركم
مخدة و ملاية
هاتيلي حضن أخواني
وحشونى ومن أحلامي
فارقوني
وملامحهم ضباب فى عنيه .
هاتيلي قعدة من أهلي
وخلاني وصحبة صالحة
مفرقاني
هاتيلي جواب من حد
مزروع فى قلبه ومانساني .
هاتيلي يمه
قطرةوبرشام صداع
بسببه عنيه وجعاني
هاتيلي مسكن يطبطب
على عظامي
ماهى نومة الأرض
يمايه جبتلي
رطوبة و هداني
هاتيلي قوة
وشجاعة يقاسموني
برودة سجني وأسايا
نفسى يمه فى شمساية
تدفيني وضليلة تحت شجرايا
وحشتني بنتي يمه
وضحكتها ورقتها
ومسكة إيدي فى إيدها
وهيا جنبى ومعايا
وحشتني الأصيلة
خليلة النفس
اللى تعبت أوى ويايا .
كان نفسي أمسك
لأختي فستانها
وأزين بالورود بيتها
وفي إيد عريسها أسلمها
وودعها ووصيها
تصون دينها
إدعيلي وخلي
أهلي يدعولي
اعود ليكم وترجع
لمتنا من تاني .
هقلك حاجه يامه
قبل ماتمشي
حفظت كتاب الله
كله بآياته وأحكامه
وفى قلبي وروحى انزرع
وكنت عارف يمه
اني هسعد قلبك
اللي عليا انخلع
نسيت يماتي في
زحام الإحتياج
سلامى للشمس والأحباب
وعرفيهم انهم فى قلبى وحشايا
