لو قولت عنها كلام دى ميتحكيش عنها
ومفيش كلام يتقال ينصف فى تأويلها
دخلتها البستان الورد غار منها
دى هدية الرحمن دنا قلبى كل ادان
يدعى لرب الكون مايتحرم منها
فى المر قبل الحلو بلاقيها ساندانى
الحضن وقت الضيق بيهدى وجدانى
هى العلاج البسيط لكل اوجاعى
هى الملاذ الامين وحياتى وكيانى
يارب بارك فيها وإلهمنى لهناها
واجعلنى ليها الضل لو شمس طايلاها
ولعينها ابقى دليل يرسملها خُطاها
فى ضيقتها ابقى صديق ما يمل شكواها
