______بتاع القلوب______
يا عم يا بتاع القلوب
متشوفلي قلب مصنوع بطوب
ويكون معمول عموله عندك
واكتب ف ورقه ايه المطلوب
٠٠٠٠٠٠
انا عايز قلب يكون حجر
ميحسش خالص بالبشر
ولا الجراح عليه تأثر
وعاوزو يتعلم يكشر
٠٠٠٠
وع الحمول يكون قوي
ولا يوم يحب وينكوي
ولا الزمان يجرحو
ولا يحزن يوم ولا يتلوي
٠٠٠٠
ويا ريت يكون له ألف باب
ولا يعرف شيئ عن العتاب
في باب يكون مكتوب دخول
والناحيه التانيه باب ذهاب
٠٠٠٠
انا عايزو قلب ملهش حد
وفي الخصام يخدها جد
لا يعرف حتى ف الاصول
ولا ف الغرام يعرف يسد
٠٠٠٠
يا عم يا بتاع القلوب
وريني قلب يكون خشب
مدهون من بره لون دهب
لكن من جوه نار حطب
٠٠٠٠٠
انا عايزو يكره الحنان
ولا عمرو يوم يدي الأمان
ويحرس ديما م الزمان
ولا يرجعش في يوم ندمان
______محمدهيما______
القاهرة _ مصر
