قصيدة”الحدوته”للكاتب والشاعر عبد العظيم رضا
من ديوان مافيش بيت اسف
…
هتسقي في يوم ورده
وهتكون ليها كل شئ
هتحلفلك تبقي معاك
وانها عمرها ما هتسيبك
هتقولها بحبك
هتقولك بموت فيك
دي بدايه لعنه
وهتعيش قصة حب ملعونه
هتتمني من ربنا كل يوم ان يكون في ما بينكوا بنوته
هتحكيلها عن اللي وجعك
هتطبطب عليك
هتداويك هتقولك انا ليك
هيبقي في ما بينكوا وعود
وحاجات كتير حلوه
هتبقي ليها ولوجودها مدمن
هتتنفسها هتشم ريحتها في هدومك
هتزعل لو لحظه تكون بعيده
هتحلف انك عمرك ما هتسيبها
وهتفضل جنبها
هتقولك ياعمري ويا بيبي ويا حياتي
وربنا يخليك ليا
بعد كان شهر يفوتوا
الحدوته بتبدي تبوخ
ما انت اللي بسرك بوحت
وهتعيش تقتل بنت في قصيده
وتدي فرصه حياه لغيرها في قصيده
والحدوته الملتوته ياتري هتخلص
بدبله وبين وبنوته
ولا هتعيش تكتب عن اللي وجعك
ومحدش هيحس بيك
اللي محبش بجروح الناس عمره ما يحس
وهيعيش لحد ما يصيبه الحب
وان صابه الحب يصبح مجنون
هتنسي حبيبك ازاي قولي؟
مفيش جواب صدقني
مهما تمر السنين هتفضل فاكر
ولو يوم جربت وقولت هنسي
غيرك قال وصدقني لحد الان منسيش
اللي بيسكن الروح القلب عمره ما بينساه
يا بخت اللي حبيبه فضل جنبه
ويارب يكون في عون اللي سابه حبيبه تاه
ويارب يكون في عون اللي سابه حبيبه تاه .
#عبدالعظيم_رضا
