اكتبيلى قصيده للشاعر علاء عبد الحميد

اكتبيلي

اكتبيلي ع اللي فيكي
واللي متداري بعينيكي
واللي شيلاه جوة قلبك
نفسي اطمن عليكي
خلي موج الشوق يهدا جوة قلبي
خلي درب الحب بينا مفتوح تلبي
خطوتي وحتمشي تاني باالاماني
بس صارحيني حبيبتي بلاش تخبي
ليه رموشك تخبي عينك عن عيوني
وكلامي ليكي تصد
نفسي بس مرة واحدة يسمعوني
وسؤالي يبقاله رد
حابسة ليه بس نفسك خطاويكي مالهاش اثر
دورت ياما كتير عليكي وقلبي جوايا انكسر
ياريت تكوني فهمتيني
ياضيي روحي ونور عيني
قلبي وتايه في سنيني
وانتي عليا مابتساليش
خلي موج الشوق يهدا جوة قلبي
خلي درب الحب بينا مفتوح تلبي
خطوتي وحتمشي تاني باالاماني
بس صارحيني حبيبتي وبلاش تخبي