سيف زياد الرواجفة
الأردن
“هند”
جيلنا وصل لمرحلة مزرية ، نادر ما تلاقي واحد مفكر ايش ممكن يصير بس يكبر ،الطموح مقتول مافي مواهب مافي طفولة حتى، صار نفسي اشوف طفل عنده برائة ،هل سبب ضياع جيلنا اهمال الجيل السابق ؟،هل انه ما في توعية ما بيعطوا ابنائهم وقت يسمعوهم؟ ،هل بسبب اللي بكون فاشل ما بيرجعوا يرمموه لا بزتوه بهالجتمع القذر؟ .
.
” عمّان 14/12/2019 ”
انا ايهم عمري30 سنة مخلص أمن شبكات ومعلومات ، وكنت بشتغل مع الجرائم الاكترونية ،صارلي تقريبا 6 سنين شغال بهالمجال قبل ما استقيل ، وحاليا بكره اشي اسمه انترنت او تواصل اجتماعي، كان يمرق علي اشياء بتخزي من ابتزاز وتهديد واللي ماسك مماسك على بنات وبهدد فيهم عشان يوخذ مصاري، مع الوقت بتتعود عالاشياء هاي ، و انا تعودت ، بس ما قدرت واستقلت من بعد هند.
.
في اخر قضية اشتغلتها انطلب مني اخترق حساب بنت اتوفت بتاريخ 23\4\2018 على الفيس بوك ،لقوها منتحرة بغرفتها ومكسرة تلفونها وعقد ما هو مكسّر فش طريقة نطول اي معلومة منه ،اخترقت حسابها وفتحته شفت كل شي كان يخص البنت صورها رسائلها حتى رسائل ممكن نتعرف قرأتهن واحد واحد ،ما طلعت بنتيجة كان مبين من محادثاتها انه حياتها طبيعية فش فيها اي اشي ممكن يسبب للانتحار ، اتسجلت قضيتها اجرام في حق نفسها وأغلق ملف القضية.
.
“بيت ايهم 23\4\2018”
رجع ايهم عبيته والقضية لسا شاغلة باله وتفكيره ، رجع فتح حساب هند عشان يحلل اكثر، فتح اول اخر محادثة الها كانت مع صاحبيتها كانت تبعثلها كلام مش مفهوم رسائل كأنها لغز زي لمى كيف حالك انا فيل .
استغرب كثير من المسجات هاي جمعهن كلهن وكتبهن عل ورقة ، انا فيل ، انا يرقة ، انا شريرة ، انا بنطلون ، انا باريس ، انا بطيخة ، انا تيمور ، انا زرافة ،انا نخلة ،انا يمامة .
احترت بالرسائل هذي ، رحت تواصلت مع لمى عشان اعرف شو قصتهن.
“27\4\2018”
حكتلي لمى انه هاي الرسائل ، كانت تبعثهن كل يوم لحد ما توفت سألتها عنهن وحكتلها ان شاء الله ما تحتاجي تعرفي .
رجعت عالبيت وقعدت احلل فيهن اخذت اول حرف من كل كلمة بعد انا ، طلعت معي هاي الجملة (في شب ببتزني) ، انا هان عرفت سبب الانتحار بس ما عرفت اسم الشب ، رجعت حكيت مع لمى وسألتها اذا كانت هند بتحكي مع شباب ، قالت اه كانت تحكي مع واحد بمدرسة الذكور اللي باخر الشارع ، ولحسن الحظ انه المدارس لسا ما خلصت ، بس في مشكلة لسا ما عرفت اسم الشب ، رجعت ادور بالرسائل ما لقيت اشي فيهن بيعطيني اسم شب ،بس في رسالة كانت بتدل على اسمه ، (الاسم مكتوب ) ، بهاي اللحظة حسيت هند بتحكي معي بتشكيلي من المعاناة اللي عانتها ، ومن الخوف اللي عاشته ،بس بهيك حالة الغلط على مين عليها ولا على الشب ولا على الاهل اهل الطرفين طبعا ، المشكلة هي قلّة الوعي يعني ببتزها تحت مسمى الحب وهما الثنين لسا ما فاتو بالثانوي ، في عز المراهقة وين الام نايمة عن بنتها و وين الاب نايم عن ابنه ، اكتشفت اسم الشب بعد ما حكتلي هند عنه اسمه تيمور .
“28\4\2018”
رحت على مدرسة تيمور ودوّرت عليه ، تيمور ولد بصف عاشر “ب” حليوة اسمراني وشعراته عجنب ، استنيته على باب المدرسة لما روح وقفته وحكيتله “هند بتسلّم عليك” تجمد بمكانه حكيتله “تعال معي بدي اسألك اكمن سؤال و اروحك”.
.
.
.
الإنسان اللي عنده نقص دائما بحاول يعبي النقص تبعه بأي طريقة، المشكلة انه ما بكون عارف شو ناقصه حاس بفراغ تعب مو عارف شو يعمل، جيلنا بالجملة عنده نقص بس نقص شو ما حدا بعرف.
.
.
“28/4/2018”
اه يا تيمور احكيلي شو كان بينك وبين هند، ارتعش صار في رجة بصوته حدقة عينه توسعت وبلّشت دموع الخوف تنزل على وجهه بالعرض البطيء،…… يا سيدي هند كانت حبيبتي وكانت كل اشي بحياتي…… كل شي بحياتك بتروح تهددها بصورها……. لا مو هيك القصة بس انا……. لا يا حبيبي يا تيمور انا رح ابلغ عنك وتروح عالتحقيق، انا اخذت عهد عنفسي اني احل هاي القضية.
.
“2/5/2018”
am 2:13
صحيت من النوم بالليل عطشان كثير، جسمي شبه مشلول مو قادر اتنفس، صوت طنّة عالية ومؤلمة كثير، بعد عدة محاولات اني اتحرك اطلعّت على باب الغرفة في بنت معلقة بحبل عليه وبتبكي، انا فكرت حالي بحلم سألتها ليش بتبكي؟، مين انتي؟، قالت انا هند اللي نسيتها وما خليت القانون ياخذ مجراه، انا روحي لسا معلقة بين السما و الارض، مو متحملة قبري، و انت هان نايم ومرتاح.
.
صحيت عنجد بعديها كنت عطشان كثير شبه مشلول في صوت طنة قوية باذني، بعد عدة محاولات قدرت اقوم عرجلي، كنت خايف كثير صليت ركعتين وضليت صاحي للصبح، اول ما صارت الساعة ثمانية رحت عمركز الشرطة حكيتلهم القصة بالتفصيل، رحنا على مدرسة تيمور.
.
“3/5/2018”
(قسم التحقيقات الجنائية)
تيمور احكيلي بالتفصيل شو كان يصير بينك وبين هند،……. يا سيدي انا رح احكي كل شي، في يوم كنا مروحين من المدرسة وشفت هند مع مجموعة بنات، حكالي صاحبي هاي البنت ما حدا قدر (يزبطها) وحكيتله انا رح (ازبطها)، و اذلها وصارت الشغلة تحدي…….يعني بنات الناس لعبة تتحدوا بعض فيها كمل كمل…… بعثتلها عالفيس بوك ما ردَّت علي، بس صاحبي كان بيعرف صاحبتها و خلاها ترد من تلفون هند علي، و من بعدها صرت احكي معها، البنت كانت اول مرة تحكي مع شب خلال فترة قصيرة صارت علاقتنا حب، وبعد هيك انا صرت استغلها تحت مسمى الحب، كنت اخليها تصورلي حالها بدون اواعي عشان تثبتلي انها بتحبني احكي معها مكالمة فيديو و اسجل المكالمة، بعد ما مسكت عليها الصور والفيديوهات رحت فرجيهن صاحبي، وبلشت اهينها و اذل فيها، اخذ منها مصاري اخليها تصورلي فيديوهات زي ما بدي، اخر اشي قبل ما تتوفى خليتها تيجيني عالبيت و اهلي ما كانوا موجودين بالبيت وعملت عملتي وصورتها……. يا عسكري تعال نزللي الحيوان هاض عالنظارة.
.
.
“4/5/2018”
تم نقل ملف قضية هند على المحكمة و انحكم على تيمور بالسجن لمدة 15 سنة.
اهل هند ما وقفوا مطالبهم باعدام تيمور بس ما كان في استجابة لأنه ما اتعدى ال18 سنة، يعتبر حدث.
.
“5/5/2018”
انتهت القضية ورجعت عالبيت مبسوط وحزين بنفس الوقت، زعلان على هند، هند ما خلتني بحالي كنت يوميا اشوفها معلقة عندي على باب الغرفة وبتبكي، اتعذبت كثير حتى اني رجعت افتح حسابها عالفيس بوك و ادور فيه على اي اشي، بما انها كانت تكتب رسائل مخفية بس ما لقيت اشي جديد، ثاني يوم رحت عند قبرها سألتها شو مالك ليش بتبكي احكيلي صرت اهلوس مع نفسي.
.
.
.
رجعت عالبيت فتحت تلفوني طلعلي منشور عالفيس بوك بيحكي عن الإسقاط النجمي، انه لو تعمله بتقدر تروح لأي مكان بدك اياه من خلال جسمك الاثيري يعني عبارة عن انك بتقدر تتحكم بنفسك في اللاوعي، خطر ببالي اجربها حاولت وزبطت معي من اول مرة، طرت بالجو شفت حالي و انا نايم عالتخت بعبر الحيطان طاير بالجو، طلعت برة البيت لقيت بنت قاعدة جنب البيت ومعها كمان بنتين رحت عليهم، الصوت هاذ مو غريب علي البنت هاي انا بعرفها منيح هند اه هند هي اللي بتبكي، طيب مين اللي معها وليش هنا هون!، رحت عندهم سألتهن انتوا مين، طلَّت علي هند وزاد بكائها.
.
.
هند انتي شو بتعملي هان……. انا حقي ضاع انا بدي حقي تيمور خدعني استغلني……. بس تيمور اخذ جزائه وهيو مزتوت بالسجن…… ما بدي ينسجن بدي يموت…….. طيب انتي هدّي حالك هسا واحكيلي مين البنات اللي معك….. هذول البنات بدهم مساعدتك…… مساعدتي بشو.
.
.
في مجتمعنا للأسف لما نتعلم الدين الاسلامي كمسلمين ما بنتعلم غير كيف نصلي ونصوم ونضحّي بالعيد الكبير، في امور كثير مو معطينها اهتمام، في كثير احاديث اجتماعية للرسول( عليه الصلاة والسلام)، ما بتعجبنا ولما نسمعها بنقول (الرسول وصّانا عالصلاة كمان)، يعني بنقارن الصلاة بامور حياتية الصلاة واجب علينا ومأمورين فيها، بس في وصايا من الرسول (صلى الله عليه وسلم) لو مشينا عليها بنعيش حياة افضل عزيزي القارئ.
.
“5/5/2018”
هند مين البنات اللي معك…….هذول بنات التقيت فيهن بعد ما انتحرت وحكيتلهن عنك وكيف ساعدتني تكشف تيمور اللي خدعني، بس هما انقتلن ما انتحرن…… كيف انقتلن؟،….. ريم قتلوها اهلها، و ميس انخطفت وهي مروحة من عند صاحبيتها…… طيب انا كيف بقدر اساعد؟…… خليهن يحكن شو صار معهن بالزبط و انت احكي هاذ الحكي للمدعي العام…… كيف بدك يصدقني المدعي احكيله شفتهن و انا بحلم مثلاً……. لا في مادة بيفرزها الدماغ بتقدر تخليك تشوفنا و انت صاحي، وميس بتروح معك عالمكان اللي انخطفت فيه وبتكشف الفاعلين.
.
.
صحي ايهم من الاسقاط النجمي متوتر كثير، في بعقله الف سؤال،بس اللي حيره كيف بده يشوفهم بدون الاسقاط النجمي، راح بحث عالانترنت عن مواد بيفرزها الدماغ عشان يشوف اشياء غريبة، من نتائج البحث لقى انه الدماغ بيفرز هرمونات بتعمل على تنشيط المنطقة البصرية في الدماغ عند الموت….. عند الموت يا حبيبي طيب انا كيف بدي اخلي دماغ يفرز هيك اشي، لازم الاقي طريقة.
.
.
تواصل ايهم مع دكتور اعصاب ختيار كبير بالعمر، و حكالوا شو صار معه بالزبط….. طيب يا ايهم انا بقدر اساعدك بس انت اللي بتتحمل العواقب وما الي اي علاقة….. ليش شو ممكن يصير دكتور…… رح يصير اشياء كثير وممكن تنجن او تمرض نفسياً….. ما عندي اي مشكلة المهم احل مشكلة البنات…. تمام ارجعلي بكرة عشان اجهز اجهزتي و احلق شعرك عالصفر لانه راح تتعرض لصدمة كهربائية.
.
.
“6/5/2018”
الحق لازم يبين لازم المجرم يتعاقب الأسلوب الهمجي اللي عايشين فيه لازم يتوقف….. اخر اشي كان يفكر فيه ايهم قبل الصدمة الكهربائية……. جاهز يا ايمن….. اه جاهز يا دكتور ابدا.
.
صحي ايهم بعد ثلاث ساعات بعد ما تعرض للصدمة الكهربائية….. صحّ النوم استاذ ايهم….. مين انتي…. انا الممرضة هي الدكتور بالمكتب تفضل عنده…. سلام دكتور…. اهلا، بشو حاس هسا…. ولا اشي بس صداع قوي ودوخة….. عادي اشي طبيعي، خذ حبتين بنادول و ان شاء الله امورك تمام….. إن شاء الله، انا بدي اروح دكتور تؤمرني باشي…. مع السلامه.
.
.
اه محمد كيفك…. هلا ايهم اه طمن شو صار معك، انا هيني بالمقهى تبع دايماً بنتلاقى هناك….. ماشي بس شو قصة الازمة اليوم يرجل شارع المدينة مسكر وفي ثلاث حوادث….. كيف انا هسا جيت منه….. سلام سلام شرطي سير.
.
وصل ايهم عالمقهى وتلاقى بمحمد هناك تصوروا ونشروا الصورة عالانستاقرام، بس ايهم ما طوَّل تضايق من عجقة الناس بالمقهى وروَّح عالبيت….. يا إلهي شو قصة الشوارع اليوم كلها ازمة….. وصل للبيت بعد مشوار صعب وهو معلق بازمة عمّان، فتح الباب سمع صوت بالبيت في حدا……مين هان؟….. تعال يا ايهم فش حدا…. هند اعوذ بالله من الشيطان الرجيم، معقول الصدمة بلَّش مفعولها…. اه بلَّش،كيف شايفني يعني، وهي ريم وميس وراك…… مرحبا ايهم كيفك.
.
بعد ساعتين تقريباً تلفون ايهم رن…… الو…. استاذ ايهم معاك المقدم خالد من قسم التحقيقات الجنائية…… اهلين سيدي اتفضل…… بدي اجي عندك عالبيت نتناقش بموضوع مهم….. تفضل وقت ما بدك…. تمام ربع ساعة و بكون عندك.
.
وصل المقدم عند ايهم ومعاه ثلاث ملفات لقضايا مختلفة…… الأول بإسم هند….. والثاني بإسم ريم….. والثالث بإسم ميس، ……. ايهم شو بتعرف عن هذول البنات….. بصراحة بعرف انه هند انتحرت، وريم انخطفت، وميس قتلوها اهلها……. كلامك مزبوط انه هند انتحرت ونت عرفت السبب، بس ريم وميس كيف عرفت عنهم، مسجل بملف ريم انها طلعت من البيت عالجامعة وما رجعت وما بيّن اي اثر الها، و ميس جريمة شرف، انت من وين جبت الحكي هاذ كلّه….. قبل ما اجاوبك بدي اسألك شو سبب زيارتك مع الملفات هاي…… سبب زيارتي انه بيّن على اجهزتنا ثلاث عناوين ip adress للبنات الثلاث هذول ومتصلت بجهازك بتقدر تفسّر الموضوع….. تمام رح اشرحلك كل اشي صار معي وبتمنى تصدقني.
.
.
شوف يا ايهم انا رح اعمل حالي مصدقك ورح امشي معك و اساعدك بس اذا بكون في كذب بالموضوع رح تتحول عالتحقيق…..ماشي سيدي انا موافق متى بتحب نبدأ بالشغل……بكرة من الصبح عشان نحل الثنتين مع بعض….. تمام.
.
.
.
“7/5/2018”
الساعة 7:30 صباحاً
ايهم كيف بدنا نعرف المكان اللي انخطفت فيه ريم…. هيها يا سيدي راكبة معنا بالسيارة ورح تدلنا على الطريق.
وقفنا بنفس المكان اللي انخطفت فيه ريم وبلشت تحكيلي كيف انخطفت وهي مروحة من الجامعة،ثلاث شباب معهم سيارة بي أم زعرة لونها أبيض وعليها كثير تعديلات، هاذ اللي بتتذكره ريم من مكان اختطافها، لانهم غطوا على عيونها، ولما صحيت لقت حالها بمكان فيه قطع سيارات و اكمن سيارة بدون قطع،حكيت هاي المعلومات للمقدم خالد وقال : انه ممكن بيعرف صاحب المكان هاذ…. مشا المقدم بالسيارة باتجاه مكان الجريمة، لما وصلنا عنده صارت ريم تبكي وهي معنا بالسيارة و أول ما وقفنا عنده اختفت، بهاي اللحظة اتأكدت انه هو نفس المكان اللي ماتت فيه، مستودع كبير وفاضي فيه ثلاث سيارات مسروقات وريحة فطيسة مؤذية، لقينا جثة ريم واستدعينا الأمن العام وتم القاء القبض على الثلاث شباب و انحكم عليهم بالاعدام، وصاحب المستودع سجن عشر سنوات، وتم اغلاق ملف القضية تبع ريم.
.
.
الساعة 3:00pm
طيب يا ايهم انا هسا مصدقك مية بالمية….. شكرا الك سيدي، هسا بدنا نحل مشكلة ميس……ميس شو اللي صار معها بالزبط…… يا سيدي ميس كانت تحب شب والشب بحبها وشاريها وتقدملها اكثر من مرة بس اهلها رفضوه لأنهم كانوا صريحين وقالوا انهم بحبوا بعض، وعأساس انه الحب حرام وذبحوا البنت وحكوا عند القاضي انهم مسكوها مع واحد، مع العلم انه القاضي اللي طلعهم بريئين بكون صاحب ابوها الروح بالروح…… ماشي هسا كيف بدنا نكشف انهم مذنبين……. بسيطة يا سيدي ميس لما سمعت ابوها و اخوها وهما فايتين عليها شغلت تسجيل الصوت بالتلفون وخبته جوّة فرشة تختها ولحد الآن ما حدا لقاه للتلفون……. طيب يلا نروح عليهم ونفتش البيت.
.
راح ايهم و المقدم خالد والفريق تبعه و ميس معهم كمان لما وصلوا بيت ميس بلشت تبكي و اختفت ……فاتوا على البيت وفتشوا على التلفون ولاقوه بنفس المكان اللي حكا عنه ايهم، انكشف ابو ميس و اخوها تمت احالتهم للقضاء ومعهم القاضي اللي أصدر حكم برائتهم.
.
”14/12/2019”
ايهم :بعد ما انحلت القضاية هاي، و هند لسا بشوفها والازمة اللي ذكرتها والناس اللي بالمقهى هما ناس ماتوا من زمان بس انا لسا بشوفهم بسبب الصدمة الكهربائية طبعاً قدمت استقالتي بعد اخر قضية، وبساعد المقدم خالد ببعض القضايا اذا احتاجني.
.
في شغلة حكاها القاضي بس حكم على ابو ميس و اخوها عشانهم تحججوا بانه الحب حرام …. “قال : جاء الرسول صلى الله عليه وسلم رجل وقال: ان عندي يتيمة وقد خطبها موسر ومعدم ( اجاها عريس غني وعريس فقير)، وهي تحب المعدم، فقال الرسول صلى الله عليه وسلم : لم نرى للمتاحبين غير النكاح.”
.
.
النهاية
