تملي
طفلة راحت طفله جات
تملي كانت عاوزة حاجات
وبتعشق كل الحلويات
عروسة جميلة وفستان بجناحات
هي حلوة وبت نسمة عليها فيونكات
تملي
بنشبه الأطفال بالملي
بنمشي نخاف من التخبيط
وبنركز فى أدق التفاصيل
تعبنا ندارى جوا الحيط
ومين هيقدر ومين هيكمل
عايشين أيام متماثلة گالتماثيل
مفيش شيء مخلينا نحس
تعبنا نركز في التفاصيل
علشان ملامحنا واحدة وبس
أنا المجني عليها أنا المنتهية وانتوا مش حاسين
أنا اللي عايشه في عذاب أنا المتسابه بدون تأمين
أنا اللي نظراتي فضاحة وباقي الخلق مش شايفين
تملي
تملي بنسيب حاجات
وناخد حاجات
مش لينا من الأساس
عليها عيون كل الناس
ونمسك فاللي فات
وكأن الحاضر مجاش
بنعيش في نفس الثانية
تملي مليون شيء منتهاش
وأنا بقيت إنسانة تانية
تملي ما بشبهنيش
وعيوني ما بتشوفنيش
حلوة من بعيد
عشان القرب فارقني أكيد
والحزن مبيسعنيش
تملي بقيت فاكرة كل حاجة
تملي كرهت أركز في خلق ناقصة
تملي اتحملت فوق طاقتي كتير
وضيعت كل وقتي في التفكير
بلا خيبة ما ياما ضاع مني حاجات
ومازلت بفتكرها وهتوجعني لحد الممات.
بقلم #آلاء_الزمزمي
