مش ناقصني من العالم كله إلا وجودك
ولو بصيت بقلبك ليا هتعرف إني إللي كاسرني
غيابك رغم وجودك
هروبك من وعودك
انا نفسي ف حد يطبطب عليا ميسألنيش..
ازاي القلب كاتم الحزن ده ولسة مكمل وبيعيش..
اصل كل اللي سمعني معالجنيش
سابوني مرميه من اول جملتين
وأنا يخلق مش محتاجه غير لحاجتين
حد يخاف عليا..
ويكون حنين ليا..
ولما اقع ميسيبنيش
دا كل م اميل
بلاقي الهوا داخل من الباب
وبفضل اميل
محدش يوم شاف الوجع إلا وعاب
لسه بروح لأبويا واخد منه مصروفي
بس مش شايف خوفي
بحاول اشكيله عن حالي
واحكيله عن خيالي
لسه هو مش فاضي يسمعني
لسه قلبي بيوجعني
لسه إهتمامه ناقص حبه وبينساني
لسه ماما مفارقاني
وكنت في الأول غريب
كنت في الأول مليش قريب
كنت باجي أحكي
وعن اللي تاعبني أشكي
اقول ليه البعد قاسي
ولقسوتهم قلبي عمره ما كان ناسي
حكيتله عن الحياة والعلة…
بداية الحكاية هي الادلة..
اصل الحياة مش عادلة…
وتحس انك عايش ف معادلة…
يا تنزل تحت يا تطلع فوق..
مين بيعرف معنى الزوق..
مين بيعرف معنى الرحمة…
كلنا عايشين فزحمه
ويابا الفلوس راحيه جايه
ويابا الفلوس مش اغلى جايزه
وأنا عاوزه أحس إن كنوز العالم ديه
لو من غيري تبقى ملهاش فايده
خدني مره واكلني برا
بس مره اسالني مالك
او حتى مره قولي انتي حرا
منا يبنتي فاهم إللي بالي بالك
واتكي عليا واحضني
وتعالى باليل وغطيني
يابا ليا سنين بردانه
ومحدش غيرك بيدفيني
حسسني مره إني مهمه
وثق فيا من غير زمه
علشان حياتي يابا
من غير اهتمامك مفيهاش همة
ولو حكيت عن اللي ناقص
ف حضنك يابا هقول ناقص
ف حبك يابا هقول زود
واهي اللفه دارة وبقت خالص
لا مني نجحت فالحنيه
ولا منك طبطبت يوم عليا
اه ي دنيا يبنت الجنيه
ضحكتي بسهوله المره ديا
بقلم #آلاء_الزمزمي
