سيف زياد الرواجفة
الاردن
.
“ميراثُ أبي”
في شغلة بالحياة لازم نفهمها، إنه الحب و المودة و الوفا والثقة والإخلاص والنية الصافية، ما الهن ثمن مادي يعني اللي بحبك المفروض يحبك كشخص مو كدينار أو أي مصلحة ثانية.
.
“صويلح 15/4/2019” 2:17pm
– الو السلام عليكم…. معك الدكتور محمد ماهر.
_اهلا دكتور بشر كيف صارت حالة الوالد ان شاء الله في تحسن.
-راشد انت شب قد حالك هيك كان يحكي عنك ابوك قبل ما يعطيك عمره…. وان لله وان اليه راجعون الله يرحمه.
.
ابو راشد زلمة مو كثير كبير بالعمر عمره 56 سنة، صاحب اكبر شركات استيراد وتصدير بالبلد، وعنده مصاري ما بتحرقها النيران، اتوفى بعد تعرضه لحادث سير على نزول المقبرة بحي الارسال، وكان معه بالسيارة صاحبه ابو جواد، ابو جواد حالياً بال ICU وحالته خطرة شوي.
.
ابو راشد عنده ثلاث اولاد راشد و احمد و رامي،و امهم توفّت بعد ما ولدت رامي، و تربوا على الدلع وكل اشي يتوفرلهم بالساهل، وكلهم بالعشرينات من عمرهم.
“صويلح 24/4/2019”
رامي روح افتح الباب شوف مين اجا….. غريب مين رح يجي هسا، يلا جاي جاي…. السلام عليكم…… وعليكم السلام؟….. شو ما في تفضل يا رامي…. بس عفواً قبل ما تتفضل ممكن تقول مين حضرتك…… له معقول ما عرفتني انا صاحب المرحوم الروح بالروح وفي شغلة جاي اقلكم عنها….. اهلين عمي ابو زيد تفضل تفضل….. انت بتعرفه يا راشد…. اه بعرفه كان يجي عند ابوي وحنا صغار، فوت عمي يا هلا فيك.
.
طيب اسمعوني كويس ابو راشد قبل ما يتوفى بشهر تقريباً اجا علي و اعطاني هاي الورقة، وقال: يا ابو زيد هاي أمانة برقبتك، اذا صارلي اشي لسمح الله بتعطي هاي الورقة لاولادي.
طب يا عم ابو زيد شو قصة الورقة هاي؟
والله يا رامي علمي علمك انا خليتها زي ما هي ما فتحتها، يالله بدكم اشي انا عندي شغل ولازم اروح،السلام عليكم.
يا جماعة انا مش فاهم شغلة….. اش هي يا احمد….. انه كيف ما عنده فضول يشوف الورقة جابها وضل رايح….. بكون شافها بالدار بس ما حب يحكي…. اه يمكن.
.
“اذا الورقة هاي بين اديكم هسا يعني انا انتقلت لرحمة ربي، بدي اوصيكم بثلاث شغلات
اول شي تكونوا ايد وحدة وما تتفرقوا
ثاني اشي تشتغلوا بالشركة تحت ادارة ابو جواد
ثالث اشي في اكمّن قطعة اثار حقهن تقريبًا ثلاث مليون، خبيتهن بالأحراش تحت الشارع التركي اللي بلاقيهن اول واحد ياخذهن الو.”
.
هاي كانت وصية ابو راشد لاولاده، طبعاً وصاهم يكونوا تحت ادارة ابو جواد، و ابو جواد وضعه خطير فبعد نقاش طويل بيناتهم اتفقوا على ابو زيد يكون مديرهم عبال ما يقوم ابو جواد بالسلامة، لأنهم ما بفهموا بشغل ابوهم اشي كل واحد دارس تخصص شكل.
.
” بيت ابو راشد 27/4/2019″
يا راشد حكيت مع ابو زيد عشان يشوف الشركة….. اه حكيتله واتفقت معه روح شوفلي احمد وين مختفي من الصبح….. احمد راح يدور عالآثار…. كيف؟ وليش هيك بروح على كيفه و وين بده يلاقيهن، وإذا لقاهن يعني بفكر حاله بقدر يطلعهن…… خليه بيزهق وبيرجع.
.
“ابو زيد اخذ وكالة عامّة على الشركة وجميع ممتلكات ابو راشد هاذ كان شرطه عشان يستلم الشركة ويمشي امورها، و المعروف عنه انه زلمة بخاف الله ودايما بالصف الاول بالجامع،وفنان بشغله”
“شركة ابو راشد 28/4/2019”
تفضل عمي هي المكتب وهي المستندات ومفاتيح الخزنة، و احنا تحت امرك……اسمعوني منيح انا رح اصير اجي عالشركة ثلاث ايام بالاسبوع، عشان اقدر اوازن بين الشركة وبين شغلي….. شو بتشتغل انت يا عم…… اعمال حرة يا راشد، هسا انت روح على البيت ارتاح شوي و انا رح امشّي الشغل الموجود و اروّح، ولا تنسى يا راشد بكرة تعال بدري عشان تتعلم اصول الشغل….. إن شاء الله خير، يلا السلام عليكم.
.
.
“بيت ابو راشد”
يا رامي ليش احمد ما رجع لهسا ما بصير هيك، لازم نروح عالشركة بكرة ونتفق شو بدنا نعمل…… ها هيو شرّف احمد…… وينك يا احمد وليش كل اواعيك تراب…… كنت بالحرشة، وقربت الاقي الآثار….. طيب بنشوف كيف رح تلاقيهن….. تمسخر براحتك يا رامي بكرة بتشوف.
.
.
هذا كان اخر اشي حكاه احمد قبل ما يرجع على الحرشة ويكمل اللي كان بادي فيه،بس احمد راح وما رجع… اختفى احمد وين راح، هل هو عايش ولا ميّت ما حدا بعرف.
.
.
“بيت ابو راشد 1/5/2019”
شو صار عموضوع احمد بين معكوا اشي يا راشد…… لا والله يا عم ابو زيد، لا شرطة لاقييته ولا احنا لاقيينه تلفونه مغلق، و مش موجود ولا بمستشفى، الله اعلم اش يكون صاير معه…… معقول وقع بإحدى الحفريات الموجودة بالحرشة…..الحرشة؟، شو موديه هناك يا رامي….. اللي وداه وصية ابوي، بالورقة اللي جبتها كان كاتب انه في اثار هو مخبيهن بالحرشة…. رامي، بكرة اول ما تطلع الشمس بتروح تدور عليه هناك وانا بدي اروح على بيتنا اللي بزَي يمكن يكون هناك…..راشد انا بكرة رح اتأخر عالشركة عندي اكمن شغلة بدي اعملهن الصبح….. براحتك عمي.
.
.
“3/5/2019”
رامي راح يدوّر على اخوه وما رجع، اختفى هو الثاني وصار معه زي ما صار مع احمد، وراشد مو عارف ايش بده يعمل وكان بده يروح يدوّر عليهم بنفس المكان بس خاف يصير فيه اشي.
.
“بيت ابو راشد”
يا عمي ابو زيد لازم نلاقي حل اثنين يروحوا بأسبوع واحد وين صارت هاي….. طول بالك يا راشد كل مشكلة و الها حل….. كيف اطول بالي وخواني الثنين مو عارف هما عايشين ولا ميتين……راشد تعال معي انا بعرف واحد ممكن يقدر ساعدنا…… مين هو يا ابو زيد….. انت بس تعال معي و ان شاء الله ما بصير غير كل خير.
.
.
راح راشد مع ابو زيد على امل يطلع بأيديهم اشي و يلاقوا حل للمشكلة، وصلوا المكان اللي رايحين عليه،وصلوا لعند مبنى من ثلاث طوابق بمنطقة مهجورة قريبة من الحرشة كثير.
.
وين ماخذني يا عم….. لا تخاف يا راشد ماخذك عند اللي بقدر يساعدنا بمشكلتنا، يلا انزل وتعال معي وصلنا ان شاء الله يكون فاضي الزلمة هاذ.
السلام عليكم…. هلا وعليكم السلام ابو زيد كيف حالك وين هالغيبة يا زلمة، مين الشب اللي معك….. هاذ راشد ابن ابو راشد الله يرحمه….. اهلين عمي كيف حالك، الله يرحم ابوك كنت انا وياه بصف واحد….. تعيش عمي….. اه يا ابو خالد بدي منك هالخدمة….. انت بتؤمر يا ابو زيد…. الله يسعدك ، قبل اسبوع تقريبا اختفى ابن ابو راشد الصغير واخوه اللي اكبر منه قبل اكمن يوم….. اه اه سمعت عن القصة و ان شاء الله انا اللي رح اساعدكم……. ليش بتعرف وينهم يا عم ابو خالد…… هههههه انا اللي بعرف، هيهم عندي جوّة رجالي بيتسلوا عليهم…….كيف كيف يعني مش فاهم…… اللي بيقصده يا راشد انه اذا بدك خوانك ما عليك غير توقع هان لانه بس توقيعك اللي ضل….. اوّقع عشو وخواني وين، ومين هاذ اللي جايبني عليه…… اسمع وله بدون كثرة حكي، اذا بدك خوانك يضلوّا عايشين وقّع هان وخذ خوانك واقلب وجهك.
.
راشد كان خايف على خوانه بعد ما وقع عالورقة فوتوه عند خوانه، و اكتشفوا انه ابو زيد هو ورى قصة الورقة اللي من ابوهم، عشان يصيدهم هيك، وقعهم على ورقة تنازل عن كل اشي ورثوه من ابوهم، وبعد يومين خلص ابو زيد اوراق الشركة واتسجلت بإسمه، و اولاد ابو راشد زتوّا كل واحد بحفرة من الحفريات الموجودة بالحرشة.
.
.
.
.
قبل وفاة ابو راشد بيوم
“بيت ابو زيد 14/4/2019”
اسمعني منيح يا ابو خالد، ابو راشد دايماً بروح من نزول المقبرة،وبكون بسيارة الشركة اول ما تشوفه، بتحاول تعمل معهم حادث او بتعمل فيهم اي اشي المهم ابو راشد يموت، و اذا ما قدرت بنشوف حل ثاني……. لا تاكل هم ابو زيد عندي هاي صغيرة على ابو خالد،هههههههههه.
.
.
.
النهاية
سيف زياد الرواجفة
الاردن
.
“ميراثُ أبي”
في شغلة بالحياة لازم نفهمها، إنه الحب و المودة و الوفا والثقة والإخلاص والنية الصافية، ما الهن ثمن مادي يعني اللي بحبك المفروض يحبك كشخص مو كدينار أو أي مصلحة ثانية.
.
“صويلح 15/4/2019” 2:17pm
– الو السلام عليكم…. معك الدكتور محمد ماهر.
_اهلا دكتور بشر كيف صارت حالة الوالد ان شاء الله في تحسن.
-راشد انت شب قد حالك هيك كان يحكي عنك ابوك قبل ما يعطيك عمره…. وان لله وان اليه راجعون الله يرحمه.
.
ابو راشد زلمة مو كثير كبير بالعمر عمره 56 سنة، صاحب اكبر شركات استيراد وتصدير بالبلد، وعنده مصاري ما بتحرقها النيران، اتوفى بعد تعرضه لحادث سير على نزول المقبرة بحي الارسال، وكان معه بالسيارة صاحبه ابو جواد، ابو جواد حالياً بال ICU وحالته خطرة شوي.
.
ابو راشد عنده ثلاث اولاد راشد و احمد و رامي،و امهم توفّت بعد ما ولدت رامي، و تربوا على الدلع وكل اشي يتوفرلهم بالساهل، وكلهم بالعشرينات من عمرهم.
“صويلح 24/4/2019”
رامي روح افتح الباب شوف مين اجا….. غريب مين رح يجي هسا، يلا جاي جاي…. السلام عليكم…… وعليكم السلام؟….. شو ما في تفضل يا رامي…. بس عفواً قبل ما تتفضل ممكن تقول مين حضرتك…… له معقول ما عرفتني انا صاحب المرحوم الروح بالروح وفي شغلة جاي اقلكم عنها….. اهلين عمي ابو زيد تفضل تفضل….. انت بتعرفه يا راشد…. اه بعرفه كان يجي عند ابوي وحنا صغار، فوت عمي يا هلا فيك.
.
طيب اسمعوني كويس ابو راشد قبل ما يتوفى بشهر تقريباً اجا علي و اعطاني هاي الورقة، وقال: يا ابو زيد هاي أمانة برقبتك، اذا صارلي اشي لسمح الله بتعطي هاي الورقة لاولادي.
طب يا عم ابو زيد شو قصة الورقة هاي؟
والله يا رامي علمي علمك انا خليتها زي ما هي ما فتحتها، يالله بدكم اشي انا عندي شغل ولازم اروح،السلام عليكم.
يا جماعة انا مش فاهم شغلة….. اش هي يا احمد….. انه كيف ما عنده فضول يشوف الورقة جابها وضل رايح….. بكون شافها بالدار بس ما حب يحكي…. اه يمكن.
.
“اذا الورقة هاي بين اديكم هسا يعني انا انتقلت لرحمة ربي، بدي اوصيكم بثلاث شغلات
اول شي تكونوا ايد وحدة وما تتفرقوا
ثاني اشي تشتغلوا بالشركة تحت ادارة ابو جواد
ثالث اشي في اكمّن قطعة اثار حقهن تقريبًا ثلاث مليون، خبيتهن بالأحراش تحت الشارع التركي اللي بلاقيهن اول واحد ياخذهن الو.”
.
هاي كانت وصية ابو راشد لاولاده، طبعاً وصاهم يكونوا تحت ادارة ابو جواد، و ابو جواد وضعه خطير فبعد نقاش طويل بيناتهم اتفقوا على ابو زيد يكون مديرهم عبال ما يقوم ابو جواد بالسلامة، لأنهم ما بفهموا بشغل ابوهم اشي كل واحد دارس تخصص شكل.
.
” بيت ابو راشد 27/4/2019″
يا راشد حكيت مع ابو زيد عشان يشوف الشركة….. اه حكيتله واتفقت معه روح شوفلي احمد وين مختفي من الصبح….. احمد راح يدور عالآثار…. كيف؟ وليش هيك بروح على كيفه و وين بده يلاقيهن، وإذا لقاهن يعني بفكر حاله بقدر يطلعهن…… خليه بيزهق وبيرجع.
.
“ابو زيد اخذ وكالة عامّة على الشركة وجميع ممتلكات ابو راشد هاذ كان شرطه عشان يستلم الشركة ويمشي امورها، و المعروف عنه انه زلمة بخاف الله ودايما بالصف الاول بالجامع،وفنان بشغله”
“شركة ابو راشد 28/4/2019”
تفضل عمي هي المكتب وهي المستندات ومفاتيح الخزنة، و احنا تحت امرك……اسمعوني منيح انا رح اصير اجي عالشركة ثلاث ايام بالاسبوع، عشان اقدر اوازن بين الشركة وبين شغلي….. شو بتشتغل انت يا عم…… اعمال حرة يا راشد، هسا انت روح على البيت ارتاح شوي و انا رح امشّي الشغل الموجود و اروّح، ولا تنسى يا راشد بكرة تعال بدري عشان تتعلم اصول الشغل….. إن شاء الله خير، يلا السلام عليكم.
.
.
“بيت ابو راشد”
يا رامي ليش احمد ما رجع لهسا ما بصير هيك، لازم نروح عالشركة بكرة ونتفق شو بدنا نعمل…… ها هيو شرّف احمد…… وينك يا احمد وليش كل اواعيك تراب…… كنت بالحرشة، وقربت الاقي الآثار….. طيب بنشوف كيف رح تلاقيهن….. تمسخر براحتك يا رامي بكرة بتشوف.
.
.
هذا كان اخر اشي حكاه احمد قبل ما يرجع على الحرشة ويكمل اللي كان بادي فيه،بس احمد راح وما رجع… اختفى احمد وين راح، هل هو عايش ولا ميّت ما حدا بعرف.
.
.
“بيت ابو راشد 1/5/2019”
شو صار عموضوع احمد بين معكوا اشي يا راشد…… لا والله يا عم ابو زيد، لا شرطة لاقييته ولا احنا لاقيينه تلفونه مغلق، و مش موجود ولا بمستشفى، الله اعلم اش يكون صاير معه…… معقول وقع بإحدى الحفريات الموجودة بالحرشة…..الحرشة؟، شو موديه هناك يا رامي….. اللي وداه وصية ابوي، بالورقة اللي جبتها كان كاتب انه في اثار هو مخبيهن بالحرشة…. رامي، بكرة اول ما تطلع الشمس بتروح تدور عليه هناك وانا بدي اروح على بيتنا اللي بزَي يمكن يكون هناك…..راشد انا بكرة رح اتأخر عالشركة عندي اكمن شغلة بدي اعملهن الصبح….. براحتك عمي.
.
.
“3/5/2019”
رامي راح يدوّر على اخوه وما رجع، اختفى هو الثاني وصار معه زي ما صار مع احمد، وراشد مو عارف ايش بده يعمل وكان بده يروح يدوّر عليهم بنفس المكان بس خاف يصير فيه اشي.
.
“بيت ابو راشد”
يا عمي ابو زيد لازم نلاقي حل اثنين يروحوا بأسبوع واحد وين صارت هاي….. طول بالك يا راشد كل مشكلة و الها حل….. كيف اطول بالي وخواني الثنين مو عارف هما عايشين ولا ميتين……راشد تعال معي انا بعرف واحد ممكن يقدر ساعدنا…… مين هو يا ابو زيد….. انت بس تعال معي و ان شاء الله ما بصير غير كل خير.
.
.
راح راشد مع ابو زيد على امل يطلع بأيديهم اشي و يلاقوا حل للمشكلة، وصلوا المكان اللي رايحين عليه،وصلوا لعند مبنى من ثلاث طوابق بمنطقة مهجورة قريبة من الحرشة كثير.
.
وين ماخذني يا عم….. لا تخاف يا راشد ماخذك عند اللي بقدر يساعدنا بمشكلتنا، يلا انزل وتعال معي وصلنا ان شاء الله يكون فاضي الزلمة هاذ.
السلام عليكم…. هلا وعليكم السلام ابو زيد كيف حالك وين هالغيبة يا زلمة، مين الشب اللي معك….. هاذ راشد ابن ابو راشد الله يرحمه….. اهلين عمي كيف حالك، الله يرحم ابوك كنت انا وياه بصف واحد….. تعيش عمي….. اه يا ابو خالد بدي منك هالخدمة….. انت بتؤمر يا ابو زيد…. الله يسعدك ، قبل اسبوع تقريبا اختفى ابن ابو راشد الصغير واخوه اللي اكبر منه قبل اكمن يوم….. اه اه سمعت عن القصة و ان شاء الله انا اللي رح اساعدكم……. ليش بتعرف وينهم يا عم ابو خالد…… هههههه انا اللي بعرف، هيهم عندي جوّة رجالي بيتسلوا عليهم…….كيف كيف يعني مش فاهم…… اللي بيقصده يا راشد انه اذا بدك خوانك ما عليك غير توقع هان لانه بس توقيعك اللي ضل….. اوّقع عشو وخواني وين، ومين هاذ اللي جايبني عليه…… اسمع وله بدون كثرة حكي، اذا بدك خوانك يضلوّا عايشين وقّع هان وخذ خوانك واقلب وجهك.
.
راشد كان خايف على خوانه بعد ما وقع عالورقة فوتوه عند خوانه، و اكتشفوا انه ابو زيد هو ورى قصة الورقة اللي من ابوهم، عشان يصيدهم هيك، وقعهم على ورقة تنازل عن كل اشي ورثوه من ابوهم، وبعد يومين خلص ابو زيد اوراق الشركة واتسجلت بإسمه، و اولاد ابو راشد زتوّا كل واحد بحفرة من الحفريات الموجودة بالحرشة.
.
.
.
.
قبل وفاة ابو راشد بيوم
“بيت ابو زيد 14/4/2019”
اسمعني منيح يا ابو خالد، ابو راشد دايماً بروح من نزول المقبرة،وبكون بسيارة الشركة اول ما تشوفه، بتحاول تعمل معهم حادث او بتعمل فيهم اي اشي المهم ابو راشد يموت، و اذا ما قدرت بنشوف حل ثاني……. لا تاكل هم ابو زيد عندي هاي صغيرة على ابو خالد،هههههههههه.
.
.
.
النهاي
