حكمة القلوب
اللي بيتحٓب !!!
اكيد يتحٓب
ومقامه سمح له يعيش ف قلوب
علشان القلب بيشوف بعنيه
لاهو ماشي يخٓبٓط ولا معيوب
لو قلبك شايفه ما يستاهل
ولا كان عمره هايفتح له الباب
ولا يسكن جواه مهما يكون
ولا هايحسه بحضور وغياب
دا لأنه للحب دا أهله
لا غباء م القلب ولا سذاجة
ولا حتى تقصير من جهله
قاعدة وثابتة مش محتاجة
شرح وتحليل
أو صوت تهليل
أصلها أحاسيس ليها ريادة
ف بلاش عالقلب بأه نلوم
نعصره ونشيله ف هموم
وسيبوه مرتاح من غير تعذيب
خليه يختار هو مكانه
وافهموا انه لا ريبوت ولا صخر.
ولا كل اموركوا في إمكانه. !!
مين بيدخل ؟مين هايخرج
واحنا على قيد الحياة. !
مش بإيدك لا دافِعلُه
وباشارة من الإله
دي فطرة فيه زى إيمانه
ولها علامة ف بنيانه
ولأن ربي كشف رؤياه
هو اللي بيختار سُكانه..
بقلم ✍️أسماء عبد الله
