((((((صورة غنائية)))))
من الزمن الجميل
الفول العجمية
كلماتي/محمدابوالحسن
***********
معايا الفووول العجمية
بالزيت الحار يالافندية
وطحينة بيضة أصلية
وطحينة حمرة مُغذية
واللي يجرب فولي مرة
هيستناني المرة الجاية
أُدّام البيت م الفجرية
*******
إديني بقرشين يامحمد
واتوصى كمان والنبي
بيا
*******
على عيني حاضر
ياصبية
صباحك ورد وقشطة
ولوز
ووشك دايماً حلو عليا
إديني وعايتك
واستنيني
هطوّق بس العربية
*******
مشِّيني الأول يامحمد
العيش في الفُرن
وهيقدِّد
وابويا صعب هيشخط
فيا
*******
بالراحة عليا ياصبية
خليكي واقفة هنا شوية
دي الزباين على وشك
فرتِكوا مني العربية
وهروح املاها كمان مرة
شايفة الناس ملمومة
عليا
*******
يامحمد ابويا هيضربني
وامي كمان هتأنبني
والعيش هيقددوهينشف
أصل انا سايباه
عالطبلِيّة
*******
والله مايهمك ياصبية
ولايكون عندك هِميّة
هاتيها المرادي فيا
هجيب الفول
وبنفسي هاجي لابوكي
واقوله انا طالبك
وشاريكي
ومن زمان معجب بيكي
دانتي وش الهنا
والسعد عليا
*******
لأ يامحمد والنبي
أرجوك
أهلي صعبين ممكن
يأذوك
وانا خايفة عليك وعليا
*******
يعني بجد خايفة عليا
أنافين ياناس الساعة
ديا
في الجنة ولا في حلم
ومش ليا
دي ملاك ياناس
ولاحورية
خلوا بالكوا ياناااااااس
م العربية
أُدامي على بيتكوا
ياصبية
واللهِ لو وافق أبوكي
لكتبلك نص العربية
واعيشك عيشة ملوكي
أصلي بموت في
الملاغية
بالراحة يادنيا عليا
*******
محمدأبوالحسن
