القلب مليان جروح مني
وبحاول ارجع أسأل عني
بقول للي زمان باعني بره
هعيش طول عمري حره
أنا مين وفين حد سامعني
أنا هنسى كل إللي واجعني
عاوزة اخلص من حبه
واخرجه م القلب اللي حبه
نفسي اعيش راضية وناسية
ومحسش اني غلطت لما كنت بواسيه
طول عمري كنت حاسة ان راحتي هي اني اراضيه
كل لحظة بيزيد حبه
وكل يوم اسأل قلبه
مدام النهايه بعدك عشمتني ليه بقربك ؟
طيب ليه بترجع تقولي بحبك؟
وأنا أصلًا كل الوجع منك!
ولسه بسال عنك
القلب تعب مني
يا خلق سامحوني غصب عني
عيشت اتمناه
قلبي عمره ما رفض هواه
مشيت في سكه سد واديني
الكل اتخلا عني
مفيش غير قلبي اللي رد إزاى هرجع أحبك؟
وكل الأذى فيا بسببك
ازاي عاوز تقسى
وعاوزني ارجع انسى
أعمِل إيه في ملامحك
وأنا ليه اسامحك
طيب إزاي بتقسى؟
وإزاي قلبي هينسى؟
الالوان قلبت بسواد
وكل الحلو بينا مات
مش هكمل الطريق وحدي
حد سامع أنا وحدي
عارفة ان قلبه حجر مليان جفاف
وحبي بالنسباله مش متشاف
والطاقه خلصت مني
قولت مبقاش هاممني وممنوع احنله
طاب ليه ياقلبي اشتقتله
وازاي قلبي نسيني
كنت بتمنى يراضيني
دانا كان كل منايا رضاه
قلبي غشيم رافض ينساه
الفرحة اخدها ومش باقي غير الوجع
كل افكاري سؤال ها رجع ؟!
مفيش دموع فاضلة
ولا حتى طاقة للمجادلة
أعمِل إيه في مرض بيصيبني
وجرح مش بيسيبني
ليه بتجرحني بِهواك
كل ده عشان قولت بَهواك
يا قلب ليه تعبت مني
مشيت وحدك بعيد عني
دا انا حتى كنت عشقاك
وعاشقه السهر وياك
آه كنت طفله في عيونك
بدعي ربنا يكون فعونك
عايشه جوا ملكوتك
مُصمم ليه تاخدني لجبروتك؟
ليه هويت تظلمني
مش كنت تفهمني
ان الحياة دقايق وثواني
وف لحظة هتغيب من تاني.
عنوان القصيدة: القلب مليان جروح مني
#آلاء_الزمزمي
#مصر
