حبيبي
اكتر حد بيحبني..
ويخاف انه يزعلني…
مهما غلطت عمره مرة ما يبهدلني..
والنقاش بينا خام..
وبنرجع نتصالح وكل شيء تمام..
مع أنه زمان
كان بيغازل ويسمعني
وكان الغزل مني
كلام عيونك مواويل بتغني
تعالى قرب متبعدش عني
ونضيف للحب عيون حلوه
ونقول للناس عن غنوه
والكل يعرف الحلوه
اللي شغلت عيونك فكل خطوه
والعصافير تصبح علينا
والشمس تطلع تبص لينا
ويجي الغيم ويضلل علينا
ومن عيون الناس يخبينا
فالبداية كان بيتقال
هفضل على نفس الحال
ومفيش كلام يتقال
أنا بقيت فراحة بال
أنا شراع نفسي …وهفضل اخد نفسي
تفاصيل امبارح ماتت وانا فل وجميلة..
والنهارده تفاصيل جديدة..
واحد ببدله ومعاه حديده
دبله اه مش جديده
لكن جواه قلب بيحبني
وعيونه هتحكيلي قد ايه عشقني
هيقول للعالم انه ملكني
ومستعد يثبت للكل اني حبيبته*
واني كمان بقيت بنته
واستغنيت عن الفلوس واشتريته
عمر الراجل ما يعيبه جيبه ولا بيته
متقبله اسمع حواديته
واحاول اخلي حكايتي …ملهاش انعكاس فمرايتي
هيجي لاهلي يطلبني
هيوعدهم دائما يراضيني
وفضهري على طول بيحميني
يعمل المستحيل عشان يغنيني ويكفيني
حبيبي بصتك عليا وضحكتك بالدنيا..
والقمر يشهد على حبنا ودعواتي ليك ف كل ثانية..
والليل يضوي النور لينا
والشجر يسمع اغانينا
عصبيته عليا أحن من كل العالم
بيجيني يخبط على باب الاوضه وحشاني
متزعليش بقى وفكي عشاني
أعمل نفسي تقيله فيقولي أنا مش أناني
أقوله انت اماني
فخجل وبدون تردد اخطف بوسه من على خده
والعالم كله يشهد على حبه وان ايدي ف ايده
هنكمل المشوار لآخر العمر أهو اخدني عنده
خلاص عارف ازاي يفرحني كده
كل يوم خناقه فالتانيه
بس عمره ما سبني لحظه ولا ثانيه
آه لو تشوفوا لمعة عيونه لما اقلق عليه
يسكت ويقولي اخر مره هطمنك فكل ثانيه
عارف إنك ليا أمانه
وهتكوني الزوجة المصانه
ابصله فسرح ف حنانه
يضم أيده ويقولي خليكي قويه اوعي تكوني جبانه
واقوله تعرف أنك أحن عليا مني وعني
شخص حب ووهب حاجات كتير ليا وعشاني
أول اختيار وربنا عوضني
هو اماني
هنقول مع بعض حكاوينا
ونعيش قراب رغم بعد المسافات فليالينا
ونجيب حته بيت يإوينا
ومن عنين الناس يدارينا
#آلاء_الزمزمي
#مصر
